Rayon Sports inganyirije na Mukura i Huye mu mukino wavuzwemo amarozi kurusha ruhago

Yanditswe na Jah d’eau Dukuze
Kuya 16 Ukuboza 2016 saa 06:31
Yasuwe :
0 0

Ni amwe mu makipe akina umupira mwiza hano mu Rwanda, kuri uyu wa gatanu nubundi abafana benshi bari baje kuri stade ya Huye ni cyo ahanini bari biteze, kubona umupira mwiza usanzwe uzwi kuri aya makipe yombi atozwa n’abatoza b’abarundi, icyaje gutungurana ni uko byarangiye uyu ubihijwe n’umwanda w’ uburozi bumaze kwangiza ruhago y’u Rwanda.

Gushwana ku mukino wa Mukura na Rayon Sports ntabwo ari ikintu gishya, mu mukino nk’uyu umwaka ushize warangiye Rayon Sports icyuye amanota atatu, nubundi haje kuba imvururu kuri stade Huye zanarangiye abakinnyi babiri ba Mukura bahagaritswe igihe kirekire. Masudi Djuma, yatangaje ko atumva impamvu “Mukura ihora ikanira umukino wa Rayon Sports kurusha iyindi”, igisubizo ntabwo ngifite.

Kevin yakorewe penaliti yavuyemo igitego cya mbere

Ku munota wa 42, Mussa Camara yaje kwirukankira mu izamu rya Mukura akuramo ikintu tutabashije kubona, akurikirwa n’abakinnyi benshi ba Mukura byatumye abari kuri stade banakeka ko ashobora kuba yibye zahabu. Imbaraga z’uyu mukinnyi ukomoka muri Mali,zatumye ashobora kubigobotora, ashyikiriza icyo kintu abatoza be. Imvururu zahise zitangira kuva ubwo, binarangira igice cya mbere gikinywemo iminota 55. Ntabwo bisanzwe.

Byose byari byatangiye neza kuri stade Huye, abafana ku mpande zombie bari bagerageje kwitabira umukino, bitandukanye n’indi yari imaze iminsi ikinirwa mu Rwanda. Ku munota wa gatanu gusa, Cyiza Hussein, yaje kwambura umupira Yves Rwigema awushyikiriza Kevin maze nawe agana izamu, Fiston amukorera ikosa mu rubuga rw’amahina. Penaliti yavuyemo, Ndayishimiye Christophe yaje kuyinjiza neza.

Nyuma y’iki gitego, ikipe ya Mukura yakomeje gusa nkaho iyoboye mu mukino, cyane ko Rayon Sports itari ihagaze neza mu bwugarizi. Uko iminota yagendaga ijya mbere, ni ko ibintu byagendaga biba bibi. Ku munota wa 25, Nahimana Shasir, yakuye akantu mu izamu rya Mukura, akajugunya inyuma y’izamu, umwana utoragura umupira, aragafata arakagarura. Aha, abafana ba Rayon Sports baje kwirukankana uyu mwana, na we arahunga, intambara itangirira hanze, nyuma y’iminota 15, iza kugera mu kibuga.

Camara wari umaze guhusha uburyo bwinshi bwo gutsinda, yaje gushakira umuti mu izamu rya Mukura,ni ko gukuramo ikintu cyari cyagaruwemo n’umwana utoragura umupira. Nyuma y’iminota itanu, yaje gutsindira ikipe ye igitego cyo kwishyura, hari ku munota wa cyenda w’inyongera. Igice cya mbere cyahise gisozwa.

Igice cya kabiri cy’umukino, nta gishyashya cyagaragaje, amakipe yombi yabonye amahirwe adakomeye yo gutsinda harimo amashoti ya kure ya Pierrot Kwizera na Djaber Manishimwe, ndetse n’umutwe wa Abdu wa Mukura Bakame yakuriyemo ku murongo ku munota wa 90. Umukino warangiye ari icyo gitego 1-1.

Nyuma y’umukino, umutoza Okoko Godefroid abajijwe kuri ibi by’amarozi n’izi mvururu, yatangaje ko ntabyo yabonye. Masudi Djuma wa Rayon Sports na we yaje kuvuga ko ntabyo yigeze abona. Abafana bo batashye bakubita agatoki ku kandi, ko uwo utari umukino, wari amarozi!

Byatangiye Abarundi bakinira amakipe yombi bifotoza
Mukura yari yabukereye
Rayon Sports icyuye inota rimwe gusa
Abatoza bombi bahakanye ibyabereye mu kibuga nubwo babirebeshaga amaso
Gikundiro Forever yari yaherekeje ikipe i Huye
Abafana ba Mukura bari baje kureba niba bari bwigaranzure Rayon Sports
Mukura yatangiye isatira
Camara yakurikiwe nyuma yo gukura akantu mu izamu rya Mukura
Ciza Hussein yungukiye ku mupira yambuye Rwigema
Awuterekera Kevin
Uyu na we acenga Fiston
Fiston ahitamo kumushyira hasi
Bagenzi be bati wakoze
Ndayishimiye yahise afata umupira
JPEG - 226.9 kb
Awohereza ku ruhande rumwe Bakame ajya ku rundi
Byari ibyishimo ku basore ba Mukura
Umufana wa Rayon Sports yari yumiwe
Mukura yakomeje kwitwara neza nyuma y'umukino
Abasore ba Rayon bo ku mpande bari bagowe n'umukino
Bijya kuba bibi ni uyu mwana ufata imipira watangiye kwirukanwana
Biza no kurangira abashinzwe umutekano bataye muri yombi umufana wa Rayon Sports
Diarra aba ateyemo
Bati ntaho ujya urabeshya
Birangira abanyuzemo hagati aragenda
Ni ko gushyira ako kantu abatoza be
Umunyezamu Andre yibagiwe ko yari yafashe umupira arenga urubuga rwe byaviriyemo ikipe ye guterwa Coup Franc
Uyu mwana byarangiye azamuwe muri stade n'umusifuzi wa kane ku mpamvu zitamenyekanye
Abafana ba Rayon Sports bari bacyumva ko bishoboka
Bidatinze Camara ahita atsinda icy'umutwe
Ahita ashima Nyagasani
Rwarutabura ahita ajya kuzana amata
Umukino watangiye kuba Vuta nikuvute

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244