Rayon Sports ishobora gusinyisha rutahizamu wakinnye mu cyiciro cya mbere mu Buholandi

Yanditswe na Uwishyaka Jean Louis
Kuya 9 Mutarama 2017 saa 01:13
Yasuwe :
0 0

Rayon Sports yitegura imikino Nyafurika ya CAF Confederation Cup igomba gutangira muri Gashyantare, irashaka kwiyongerera imbaraga izana abakinnyi batandukanye bazayifasha, bashobora kuzaba barimo rutahizamu w’Umunya-Ghana, Faisal Awoto uri kuyikoramo igeragezwa, wanakiniye amakipe atandukanye arimo FC Twente yo mu cyiciro cya mbere mu Buholandi.

Uyu munya-Ghana, asinyiye iyi kipe, yaba aje yiyongera ku bandi banyamahanga bane Rayon Sports yari isanzwe ifite, barimo Abarundi babiri, Nahimana Shasiir na Kwizera Pierrot, Umukongomani Kakure Mugheni Fabrice na Moussa Camara wo muri Mali.

Uyu musore yemeza ko azafasha iyi kipe kugera ku rundi rwego ndetse akaba yizeye kuzaba umukinnyi mwiza muri shampiyona y’u Rwanda.

Nyuma y’imyitozo ya mbere yakoze muri Rayon Sports kuri uyu wa Mbere tariki ya 9 Mutarama, yaganiriye na IGIHE maze atangaza intego ze muri Rayon Sports.

Ati “Naje mu Rwanda gusinyira Rayon Sports. Ndi hano kugira icyo nkora, gufasha iyi kipe kugera ku rundi rwego. Uyu munsi ushinzwe kunshakira amasoko araza mu Rwanda kugira ngo baganire ku masezerano. Ndifuza ko nasinya imyaka ibiri kuko umwaka utaha ngomba kujya gukinira ikipe y’igihugu ya Ghana; niyo mpamvu nifuza gusinya imyaka ibiri kugira ngo nanjye nzamure urwego rwanjye.”

Awoto avuga ko atari asanzwe azi Rayon Sports, ariko ko akimara kumenya ko imushaka ngo yahise ajya kuri internet (YouTube) ashaka amashusho yayo abona ni ikipe ifite abafana benshi kandi ihora mu za mbere mu gihugu ndetse izanasohoka mu marushanwa Nyafurika ari nabyo ngo byatumye ahita afata icyemezo cyo kuyikoramo igeragezwa.

Ati “Nshaka kuba umukinni wa mbere mwiza hano kuko n’ubundi ndi mwiza muri Ghana. Nkurikije uko nabone abandi bakinnyi, Rayon Sports ifite abana bakiri bato ariko bafite impano cyane. Nakunze uko bameze, uko bakina ndetse n’abafana. Buri muntu afite ikinyabupfura cyane.”

Uyu mukinnyi wanakurikiranye umukino Rayon Sports yatsinzemo Pépinière FC ibitego 3-1 kuri iki Cyumweru, yavuze ko ku bwe shampiyona y’u Rwanda ari nziza cyane ndetse ko hari ibyo irusha iy’iwabo kuko mu Rwanda bashyira amafaranga menshi mu bakinnyi b’imbere mu gihugu bitandukanye no muri Ghana.

Mu kiganiro umunyamabanga wa Rayon Sports, Gakwaya Olivier, yagiranye na IGIHE, yavuze ko uyu mukinnyi bamurangiwe n’abashakira abakinnyi amakipe basanzwe bakorana, bityo akaba yatangiye imyitozo kugira ngo umutoza amurebe, naramuka amushimye abona hari icyo yafasha ikipe, abone gusinyishwa.

Faisal Awoto yakiniye amakipe anyuranye yiganjemo ay’iwabo nka Right to Dream yatangiriyemo, Berekum Chelsea, nyuma yasubiye muri Right to Dream, ari naho yavuye yerekeza muri FC Twente mu Buholandi, ariko ntiyahatinze kuko iyo kipe yagiranye ibibazo n’ushinzwe kumushakira amakipe bituma basesa amasezerano.”

Awoto ashaka gusinyira Rayon Sports imyaka ibiri
Faisal Awoto (wambaye imikara) mu myitozo
Awoto avuga ko ashaka gufasha Rayon Sports kugera ku rundi rwego

Amafoto:Manzi Rema Jules


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244