Irushanwa Rayon Sports yari yatumiwemo muri Tanzania ryasubitswe

Yanditswe na Uwishyaka Jean Louis
Kuya 29 Ugushyingo 2016 saa 03:45
Yasuwe : XX
0

Irushanwa ryari ryateguwe na StarTimes ryagombaga guhuza amakipe akomeye yo mu Karere, harimo na Rayon Sports, ryamaze gusubikwa rikaba rishobra kuzakinwa muri Nyakanga umwaka utaha.

Iri rushanwa ryagombaga gutangira tariki 16 rigasozwa ku wa 23 Ukuboza 2016, muri Tanzania, ryari kuzitabirwa n’amakipe umunani avuye mu bihugu bya Uganda, u Rwanda, Kenya, Congo Kinshasa, Tanzania, na Mozambique.

Mu kiganiro na IGIHE, Umunyamabanga wa Rayon Sports Gakwaya Olivier, yavuze ko iyi kipe itakigiye muri Tanzania kuko abaritegura basanze amwe mu makipe bifuzaga ko aryitabira ataboneka kuko yamaze gutangira ibiruhuko n’abakinnyi bayo bakaba baratashye bityo rikaba rishobora kuzashyirwa ikindi gihe.

Ati “Ntabwo tukigiye muri Tanzania. Basanze hari amakipe ataboneka kuko yamaze kujya mu biruhuko. Bishobotse bazarishyira muri Nyakanga.”

Bitewe n’amakipe y’ibigugu mu Karere yari kuzitabira iri rushanwa, Rayon Sports yashakaga kuryifashisha ireba urwego ihagazeho mbere yo kwitabira amarushanwa ya CAF Confederation Cup izahagarariramo u Rwanda, ariko hakaba harimo n’ibihembo bitubutse dore ko ikipe ya mbere yari kuzahabwa amadorali ya Amerika 50.000 asaga miliyoni 40 z’amanyarwanda mu gihe iya kabiri yari iteganyirijwe ibihumbi 30 by’amadorali.

Rayon Sports igiye gukomeza imikino ya shampiyona y’u Rwanda, isura Amagaju FC tariki 4 Ukuboza, yakire Gicumbi FC tariki 10 Ukuboza yitegura kwerekeza i Huye mu mukino w’ishiraniro uzayihuza na Mukura VS tariki 16 Ukuboza.

Umwaka ushize StarTimes yari yafatanyije na Rayon Sports gutegura irushanwa ryatwawe na AS Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza