Kwamamaza

Rayon Sports yabonye amanota atatu kuri Sunrise iyobora shampiyona

Yanditswe kuya 19-11-2016 saa 22:43' na IGIHE


Igitego rukumbi cya Kwizera Pierrot cyafashije Rayon Sports gutsinda Sunrise ihita ifata umwanya wa mbere ku rutonde rw’agateganyo rwa Shampiyona y’icyiciro cya mbere mu Rwanda, Azam Rwanda Premier League.

Umukino w’umunsi wa Gatanu wa shampiyona wahuje Rayon Sports na Sunrise FC wabereye i Nyagatare mu Ntara y’Uburasirazuba kuri uyu wa Gatandatu, tariki ya 19 Ugushyingo 2016, ni umwe mu yari itegerejwe cyane n’abakunzi ba ruhago mu Rwanda.

Aya makipe ayoboye urutonde rwa shampiyona, yatangiye umukino acunganwa, Rayon Sports iza kwinjira mu mukino vuba ariko uburyo bwo kubona igitego yabonye ntiyabasha kububyaza umusaruro.

Iminota 45 yarangiye amakipe yombi anganya, ubusa ku busa. Mu gice cya kabiri, Rayon Sports yari yagowe n’ikibuga cy’ibitaka cya Sunrise yakomeje guhererekanya umupira no gusatira ndetse ku munota wa 73 w’umukino, Kwizera Pierrot aza kubona inshundura za Sunrise ku gitego cy’umutwe yatsinze ku burangare bw’ab’inyuma b’iyi kipe.

Iki gitego cy’Umurundi, KwizeraPierrot, watsindaga icya gatanu muri shampiyona nicyo cyatandukanyije impande zombi.

Rayon Sports yahise ifata umwanya wa mbere n’amanota 13, aho irusha Sunrise na Police FC ziyikurikiye atatu.

Mu yindi mikino yakinwe uyu munsi, Mukura VS yanganyije na Police FC ubusa ku busa mu mukino wabereye ku Kicukiro, naho Bugesera itsinda Marines FC igitego kimwe ku busa, ihita ifata umwanya wa gatandatu n’amanota umunani.

Kuri iki Cyumweru, tariki ya 20 Ugushyingo 2016, imikino izakomeza, Etincelles Fc yakira Pépinière FC kuri Stade Umuganda mu Karere ka Rubavu, AS Kigali isura Amagaju FC i Nyamagabe, naho Gicumbi FC izakira Espoir Fc ku Mumena.

Umukino wagombaga guhuza Kiyovu Sports na Musanze FC kuri uyu wa Gatanu, wahagaritswe utarangiye kubera imvura nyinshi yaguye ugeze ku munota wa 78, aho iyi kipe y’Urucaca yari iyoboye n’ibitego 2-1.

Undi mukino wagombaga guhuza APR FC na Kirehe FC, wamaze gusubikwa kubera iyi Kipe y’Ingabo z’Igihugu yitabiriye irushanwa ’Tournoi de la République’ yatumiwemo muri Congo Brazzaville.

Amafoto: Rayon Sports


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved