Kwamamaza

Rayon Sports yabwiye Ferwafa ko ishobora kudakina shampiyona

Yanditswe kuya 12-10-2016 saa 20:25' na Jah d'eau DUKUZE


Rayon Sports yarangije kwandikira ishyirahamwe ry’umupira w’amaguru mu Rwanda Ferwafa, ibamenyesha ko itazakina imikino ya shampiyona mu gihe cyose ibibazo by’abakinnyi bayo bidakemutse.

Iyi kipe yegukanye igikombe cy’ Amahoro giheruka, yisanze abakinnyi bayo bane mu bari ku rutonde yatanze muri Ferwafa, bafite ibibazo mu byangombwa byabo(Litige) kandi ngo ibibazo byabo bitazigwaho mbere y’icyumweru gitaha.

Aba bakinnyi barimo Rwatubyaye Abdoul, Rwigema Yves na Nova Bayama bose bafite aho bahuriye na APR FC, ndetse Imanishimwe Emmanuel we warangije kwerekeza mu ikipe ya mukeba ari yo APR FC.

Mu gihe shampiyona ibura iminsi ibiri ngo itangire, amakuru agera ku IGIHE avuga ko ibibazo byose by’abakinnyi mu bijyanye n’ibyangombwa, ngo bitazakemuka mbere yuko umuyobozi wa Ferwafa agera mu Rwanda. Kuri ubu Nzamwita Vincent De Gaulle bivugwa ko azava imahanga mu cyumweru gitaha.

Ibi bikaba byari bivuze ko abo bakinnyi bose batari bugaragare ku munsi wa mbere wa shampiyona, aho Rayon Sports izawutangira kuri uyu wa Gatanu ikina na Police FC. Iyi kipe ikomoka i Nyanza ariko, ikaba yarangije kwandikira Ferwafa ibabwira ko mu gihe ibibazo by’aba bakinnyi bidakemutse na yo ititeguye kujya mu kibuga.

Ubwo twavuganaga n’Umuyobozi w’iyi kipe, Gacinya Denis yatubwiye ko koko "Twanditse iyo baruwa tuyijyana muri Ferwafa ariko nta birenzeho natangaza".

Twagerageje no kuvugisha Umuvugizi wa Ferwafa,Mussa Hakizimana ngo agire icyo adutangariza kuri ibi, ariko ntabwo yafataga telefoni ye igendanwa.

Nova Bayama na Yves Rwigema bari mu bakinnyi batagombaga gukina umukino wa Police kubera ibibazo by'ibyangombwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved