Rayon Sports yakoreye imyitozo ya mbere ku kibuga izakiniraho-Amafoto

Yanditswe na Jah d’eau Dukuze
Kuya 9 Werurwe 2017 saa 10:39
Yasuwe :
0 0

Ikipe ya Rayon Sports yakoreye imyitozo ya mbere ku kibuga cya Modiba Keita izahuriraho na As Onze Créateurs kuri uyu wa gatandatu mu irushanwa rihuza amakipe yatwaye ibikombe iwayo ku mugabane wa Afurika.

Rayon Sports izahura na As Onze Créateurs de Niaréla, yo itarigeze inyura mu cyiciro cya mbere cy’amajonjora, nyuma yo kwegukana igikombe cy’igihugu cyo muri Mali mu mwaka ushize wa 2016.

Iyi kipe yageze muri Mali ku mugoroba wo kuri uyu wa gatatu, yakoreye imyitozo ya mbere ku kibuga izakiniraho uyu mukino kuri uyu wa kane, aho nyuma y’iyi myitozo umutoza Masudi Djuma yatangarije itangazamakuru ko hari ibyo yasabye abakinnyi mu rwego rwo kwitegura neza uyu mukino

Masudi Djuma yagize ati: “Ikintu cya mbere nababwiye ni ukugira ikinyabupfura hanyuma mbabwira ko imikino nk’iyi ibanza ari ho umuntu aboneraho itike imujyana mu cyiciro gikurikira.”

“Twanabwiye abakinnyi b’abanya Mali bari hano, kutagira aho bajya kugira ngo tugume hamwe. Icyo twamenye ni uko iyi kipe ikunda kugarira cyane, bityo tuzagerageza gukina dusatira kuva umukino utangiye”.

Umukino na As Onze Créateurs uzaba kuwa Gatandatu tariki 11 Werurwe, ubere kuri stade Modiba Keita guhera saa moya zo mu Rwanda (19:00).

Dore uko imyitozo ya mbere yagenze:

Abatoza basabye abakinnyi kuzasatira kuva ku munota wa mbere
Abakinnyi bose bameze neza muri Mali
Stade izakira uyu mukino...
Intego ni ugutsinda umukino ubanza
Abakinnyi bakomoka muri Mali basabwe kudasiga bagenzi babo ngo bajye kubonana n'imiryango
Abakinnyi nka Nova Bayama baritezwe i Bamako
Abanyezamu bizeye kugaruka nta gitego kinjiye mu ryo bazarinda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244