Kwamamaza

Rayon Sports yananiwe kwikura imbere ya Espoir FC, Masoudi yikoma ikibuga

Yanditswe kuya 22-10-2016 saa 18:08' na Manzi Rema Jules


Rayon Sports yanganyije na Espoir FC ubusa ku busa mu mukino wa kabiri wa Shampiyona wabereye kuri Stade ya Rusizi, umutoza wayo, Masoudi Djuma atangaza ko bagowe no gukinira ku kibuga kibi.

Rayon Sports yerekeje i Rusizi idafite bamwe mu bakinnyi bayo b’inkingi za mwamba yagowe no kwibona muri uyu mukino wabaye kuri uyu wa Gatandatu, tariki ya 22 Ukwakira 2016.

Bamwe mu bakinnyi batagaragaye kuri uyu mukino barimo rutahizamu Moussa Camara, Manzi Thierry, Mutsinzi Ange Jimmy, Muhire Kevin Rooney na Senyange Yvan.

Ni umukino watangiye ukinirwa hagati mu kibuga ndetse amakipe yombi acunganwa byatumye iminota 90 irangira banganya ubusa ku busa.

Umutoza wa Rayon Sports, Masoudi Djuma yatangaje ko uretse ikibazo cy’abakinnyi bafite imvune batagaragaye kuri uyu mukino, ngo bagowe n’ikibuga cya Espoir FC avuga ko kitameze neza ndetse cyatumye batabona uko bakina umukino wo guhanahana.

Masoudi wari wakoze impinduka mu bakinnyi babanza mu kibuga, ntiyorohewe n’ubusatirizi bwa Espoir FC bwari buyobowe na Ndikumana Bodo wanahoze muri iyi kipe y’i Nyanza, mbere yo kwerekeza muri Etincelles aho yavuye ajya muri iyi kipe y’i Rusizi.

Espoir FC yakiniraga mu rugo imbere y’abafana bayo yabonye uburyo bubiri bwari bwabazwe, benshi batekerezaga ko ari penaliti, ariko umusifuzi arabyirengagiza.

Uko imwe mu mikino yo ku munsi wa Kabiri wa Shampiyona yarangiye:

Kuwa Gatanu, tariki 21 Ukwakira 2016

- AS Kigali 3-0 Marines

Kuwa Gatandatu tariki 22 Ukwakira 2016

- Kirehe FC 0-1 Sunrise FC
- Espoir FC 0-0 Rayon Sports FC
- Police FC 2-1 Bugesera FC
- Mukura Victory Sports 0-1 Etincelles FC

Imikino iteganyijwe kuri iki Cyumweru, tariki 23 Ukwakira 2016

- Gicumbi FC vs APR FC (Stade ya Kigali)

- Kiyovu Sports vs Amagaju FC (Mumena)

- Musanze FC vs Pépinière FC (Nyakinama)

Ndayishimiye Eric Bakame yagiye akuramo imipira yari yabazwe
Nshuti Dominique Savio(ufite umupira) ahanganye n'ab'inyuma ba Espoir FC
Rwigema Yves yakinnye umukino wa mbere abanje mu kibuga, kuva yagera muri Rayon Sports
Ndikumana Bodo(iburyo) yagoye cyane myugariro wa Rayon Sports, Munezero Fiston
Nahimana Shassir (wambaye nimero 10) yarase uburyo bwari bwabazwe
Umuyobozi wa Siporo muri Minispoc (ibumoso), Bugingo Emmanuel, mu barebye uyu mukino
Byari ibyishimo bikomeye ku bafana ba Espoir FC nyuma y'ifirimbi ya nyuma y'umukino
Umufana ukomeye wa Rayon Sports, Rwarutabura, yababajwe no kunganyiriza i Rusizi
Masoudi Djuma yatangaje ko kunganya na Espoir FC byatewe n'ikibuga kibi
Benshi mu bafana barebye umukino bicaye mu bushorishori bw'ibiti
Umwe mu bafana ba Espoir FC yaje ku kibuga yambaye agatimba
Abafana ba Espoir FC bari babukereye baje gushyigikira ikipe yabo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved