Rayon Sports yanyagiye Rugende FC 9-0 mu gikombe cy’Amahoro

Yanditswe na Manzi Rema Jules
Kuya 19 Mata 2017 saa 06:59
Yasuwe :
0 0

Rayon Sports yanyagiye Rugende FC ibitego icyenda ku busa mu mukino ubanza wa 1/16 cy’igikombe cy’Amahoro wabereye kuri Stade ya Kigali, kuri uyu wa Gatatu.

Masoudi Djuma witegura umukino ukomeye usabwamo kwishyura ibitego bibiri yatsindiwe muri Nigeria na Rivers United muri CAF Confederation Cup, akanashaka icyamuhesha intsinzi, kuri uyu wa Gatatu yari yaruhukije abakinnyi bakomeye aha umwanya abadasanzwe babona umwanya wo gukina, baba ari bo banyagira ikipe yo mu cyiciro cya kabiri muri shampiyona.

Mu batagaragaye mu kibuga harimo nka kapiteni Ndayishimiye Eric Bakame, Kwizera Pierrot, Savio Nshuti, rutahizamu Moussa Camara, n’abandi batandukanye bakinnye muri Nigeria bose baruhukijwe.

Nk’uko byari byitezwe, nta kosa Masoudi yari gukora ryatuma atsindwa uyu mukino byatumye kuva ku munota wa mbere ahaguruka abwira abasore pe buri kanya abakosora amakosa bakoraga.

Mu buryo bworoshye, iyi kipe yatsinze ibitego icyenda birimo bibiri bya Tidiane Kone ku munota wa 17 n’uwa 47, bibiri bya Frank Lomani ku wa 23 n’uwa 45, bitatu bya Nahimana Shasiir ku wa 39, 89 na 90, Ange Mutsinzi ku munota wa 45 na Idrissa ku wa 90.

Ibi byatumye iyi kipe yizera kujya muri ⅛ cy’iri rushanwa yegukanye umwaka ushize nubwo hakiri umukino wo kwishyura.

Rayon Sports igomba gukomeza imyiteguro n’imyitozo ikarishye kuri uyu wa Kane yitegura Rivers United kuri uyu wa Gatandatu.

Uko imikino ibanza muri 1/16 cy’igikombe cy’Amahoro yarangiye yose

Tariki 18 Mata 2017

Esperance SK 1-4 Espoir Fc

Vision Fc 0-3 APR Fc

Pepiniere Fc 0-1 Marines Fc

Musanze Fc 3-0 Isonga Fc

Tariki 19 Mata 2017

Rugende 0-9 Rayon Sports

Heroes Fc 0-1 AS Kigali

Etoile de l’est 1-1 SC Kiyovu

Akagera Fc 1-2 Amagaju Fc

Vision JN 0-4 AS Muhanga

Miroplast Fc 0-2 Gicumbi Fc

United Stars Fc 0-1 Police Fc

Hope Fc 1-1 Bugesera Fc

Aspor Fc 0-2 La Jeunesse Fc

Kirehe Fc 0-2 Etincelles Fc

Intare Fc 0-4 Mukura VS

Rwamagana City Fc 0-2 Sunrise Fc

Abakinnyi 11 Rayon Sports babanje mu kibuga
Kone arwanira umupira n'abakinnyi batatu ba Rugende
Lomami Frank atera penaliti yavuyemo igitego cya kabiri
Umuzamu wa Rugende FC yacurangutse, umupira ujya mu rushundura
Nahimana Shasiir yatsinze ibitego bitatu muri uyu mukino
Abafana ntibari benshi kuri uyu mukino
Abakinnyi bishimira igitego cya Ange Mutsinzi yateye ishoti rikomeye umupira wijyanamo
Nahimana niwe wazonze cyane Rugende FC
Rugende FC yanyagiwe na Rayon Sports ibitego 9- 0

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244