Rubavu: Ikirombe cyagwiriye abantu batatu, umwe yitaba Imana

Yanditswe na Mukwaya olivier
Kuya 8 Ukwakira 2017 saa 10:56
Yasuwe :
0 0

Abantu batatu bacukuraga umucanga wo kubaka bagwiriwe n’ikirombe giherereye mu Murenge wa Nyamyumba, Akagari ka Rubona, kuri uyu wa gatandatu, umwe ahita yitaba Imana.

Abagwiriwe n’iki kirombe ni Musabyimana Yves w’imyaka 15, Nyiramariro Chantal w’imyaka 53 na Faida Pelagie w’imyaka 33 ari na we wahise yitaba Imana.

Aya makuru yemejwe n’umuvugizi wa Polisi mu Ntara y’Iburengerazuba, IP Gakwaya Eulade, wagiriye inama abaturage yo kwirinda kujya mu birombe bitujuje ibyangombwa.

Yagize ati “ Ejo abaturage batatu bagwiriwe n’ikirombe bacukura umucanga, umwe ahita yitaba Imana. Undi mugore n’umwana bajyanywe kwa muganga. Turagira inama abaturage kwirinda kujya mu birombe bitujuje ibyangombwa.”

Ibi byaherukaga ku itariki ya 31 Kanama 2017, ubwo umubyeyi w’abana batandatu yagwirwaga n’ikirombe aho yacukuraga itaka mu Murenge wa Cyanzarwe mu Karere ka Rubavu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza