Kwamamaza

Rwemarika yegukanye igihembo cyo guteza imbere abagore abicishije muri siporo

Yanditswe kuya 8-11-2016 saa 10:00' na Philbert Hagengimana


Umuyobozi wa Komisiyo ishinzwe iterambere ry’umupira w’amaguru w’abagore muri (FERWAFA), Félicité Rwemarika, yahawe igihembo nk’umugore wabaye indashyiukirwa mu guteza imbere bagenzi be abicishije muri Siporo.

Icyo gihembo Rwemarika yagiherewe mu Mujyi wa Lausanne mu Busuwisi kuri uyu wa mbere tariki ya 7 Ugushyingo, akaba yagihawe na Komite mpuzamahanga y’imikino Olempike.

Rwemarika, washinze Umuryango Akwos, uharanira kongerera ubushobozi ubushobozi abagore biciye muri Siporo, yahembewe umurava agira mu guharanira iterambere ry’abari n’abategarugori mu ngeri zitandukanye, abicishije muri siporo.

Mu ijambo yagejeje ku bitabiriye uwo muhango, Thomas Bach, Umuyobozi mukuru wa Komite mpuzamahanga y’imikino Olempike yavuze ko abo bantu bagororewe kubera uruhare rwabo mu guteza imbere siporo cyane cyane mu bari n’abategarugori.

Ati “Iyo hatabaho aba bagorore, abakinnyi ntibajya bagera ku ntego zabo. Aba bantu bafashije abakinnyi benshi, baharaniye uburenganzira bw’abakinnyi b’abari n’abategarugori, babateye ingabo mu bitugu. Turabashimiye tubikuye ku mutima.”

Igihembo nk’icyo Rwemarika yahawe, cyanahawe Dr Carole Oglesby na we wabaye indashyikirwa muri Leta Zunze Ubumwe za Amerika, aho ari umuyobozi w’imiryango n’amashyirahamwe ateza imbere siporo mu bari n’abategarugori.

Ku mugabane wa Aziya, cyahawe Umunya-Philippines, Maria Leonor Estampador, usanzwe ari Umutoza mu mukino wa ‘fencing’, mu gihe ku mugabane w’u Burayi cyahawe Majken Maria Gilmartin Umunya-Denmark usanzwe ari umutoza akaba n’umuyobozi mu bya siporo muri icyo gihugu.

Muri Oceania ho icyo gihembo cyahawe Moya Dodd Umunya-Australia wabaye Umukinnyi ku rwego mpuzamahanga, nyuma akaza kuba umutoza, ubu akaba ari umuyobozi wungirije w’impuzamashyirahamwe y’imikino y’umupira w’amaguru muri Aziya.

Muri uwo muhango, Umunya Ethiopia Dagim Zinabu Tekle yahawe igihembo nk’umugabo wabaye indashyikirwa mu guteza imbere siporo y’abagore, uyu akaba amaze imyaka itanu ashinze radiyo yibanda cyane kuri siporo y’abagore, akaba anafite indoto zo gushinga televiziyo.

Abagore bagize uruhare mu iterambere ry'umupira w'abari n'abategarugori ku Isi bashimiwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved