Kwamamaza

Shelter Them yateguye irushanwa ry’abana 120 batarengeje imyaka 12

Yanditswe kuya 1-11-2016 saa 19:19' na Jah d'eau DUKUZE


Umuryango w’abanyarwanda usanzwe ufasha abana batishoboye, Shelter Them, wateguye irushanwa ry’umupira w’amaguru rizahuriza hamwe amakipe agera ku munani y’abana batarengeje imyaka 12, mu mikino izabera ku kibuga cya Ferwafa mu mpera z’icyumweru turimo.

Ni irushanwa uyu muryango wateguye mu rwego rwo guha agaciro abakiri bato, ahanini babashikirariza kumenya impano zabo no kumenya ibibaranga, bityo bakaba bazashobora kugera ku nzozi zabo ubwo bazaba bakuze.

Jules Higiro uhagarariye Shelter Them mu Rwanda, yadutangarije ko batekereje gutegura amarushanwa y’umupira w’amaguru kuko ari wo abana benshi biyumvamo.

Shelter Them isanzwe ifite abana batandukanye bakina umupira w'amaguru

Yagize ati “Iyo umwana akiri muto, aba atari yatangira gutekereza neza icyo azaba cyo, ariko usanga bose bahurira mu gukunda umupira w’amaguru”.

Turashaka kubahuriza hamwe mu irushanwa rizatuma bagaragaza ubuhanga bwabo muri ruhago ku ruhande rumwe, gusa tukazanabaheramo ubutumwa bugamije kubibutsa impano zabo ndetse no kumenya ibibaranga.

Amakipe ane ni yo azitabira Shelter Them kids tournament, aho buri kipe izaba ifite amakipe abiri, imwe y’abatarengeje imyaka 10 n’indi y’abatarengeje imyaka 12. Aya, akaba arimo ikipe ya Shelter Them irimo abana basanzwe bafashwa n’uyu mushinga, aho bazaba bahanganye n’ayandi makipe amenyerewe mu kugira abana bo muri ibi byiciro, ari yo Imena, Shining na Esperence.

Imikino ikazatangira kuri uyu wa Gatandatu tariki ya 5 Ugushyingo, ku kibuga cya Ferwafa, aho Shelter Them izabanza kwisobanura n’Imena, mbere y’umukino uzahuza Esperence na Shining. Imikino ya nyuma izakinwa ku Cyumweru na yo ibere kuri Ferwafa. Amakipe ya mbere, akazagenerwa ibikombe hamwe n’ibindi bihembo bitandukanye.

Shelter Them-Batarure, ni umuryango nyarwanda utari uwa leta washinzwe n’impanga ebyiri z’abanyarwanda batuye muri Canada, Bukuru Josephine Murphy na Butoyi Joselyne Alexandre, hari mu mwaka wa 2006.

Uyu, ukaba ubusanzwe ugoboka abana b’impfubyi n’abandi bana batagira kivurira mu kubaha uburenganzira umwana buri wese akwiriye. Mu bana bafasha, hakaba harimo abana b’imfubyi, abana batawe n’ababyeyi babo, abafite ababyeyi banduye agakoko ka Sida ndetse n’abana bo mu mihanda.

Higiro Jules ni we uhagarariye Shelter Them mu Rwanda, impande ye, ni Joselyne ne Josephine bawushinze

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved