Skol na March’ Generation bagiye guhemba umukinnyi wa Rayon Sports witwaye neza mu Ugushyingo

Yanditswe na Eric Tony Ukurikiyimfura
Kuya 6 Ukuboza 2019 saa 03:00
Yasuwe :
0 0

Abakinnyi batatu; Iranzi Jean Claude, Rugwiro Hervé na Bizimana Yannick, bahataniye igihembo gihabwa umukinnyi witwaye neza kurusha abandi mu Ikipe ya Rayon Sports, gitangwa n’uruganda rw’ibinyobwa rwa SKOL ku bufatanye na Fan Club ya ’ March’ Generation’.

Igihembo cy’ukwezi gushize k’Ugushyingo kizatangwa tariki ya 11 Ukuboza 2019 kuri Blue Empire Bar i Nyamirambo saa kumi n’imwe.

Iranzi Jean Claude watsinze ibitego bitatu mu mikino itanu Rayon Sports iheruka gukina, birimo kimwe cyo ku mukino wa Musanze FC na bibiri ku mukino wa Marines, ari muri batatu bahataniye iki gihembo.

Agihanganiye kandi na Bizimana Yannick na we ukina nka rutahizamu, uyu na we umaze iminsi yitwara neza, aho yatsinze ibitego bibiri ku mukino Rayon Sports yatsinzemo AS Muhanga mu kwezi gushize.

Umukinnyi wa gatatu uri mu bazatoranywamo uhabwa iki gihembo ni myugariro Rugwiro Hervé na we wagize uruhare mu gufasha iyi kipe kutinjizwa ibitego byinshi, aho Rayon Sports yatsinzwe ibitego bitatu mu mikino itanu yakinnye.

Rugwiro yatsinze kandi no mu mukino wa gicuti wahuje Rayon Sports na Gasogi United, hizihizwa umunsi wahariwe Rayon Sports ‘’Rayon Sports Day 2019’’.

Igihembo nk’icyi cyaherukaga gutangwa mu kwezi gushize, aho cyahawe Nizeyimana Mirafa wahigitse Kimenyi Yves na Mugisha Gilbert nk’umukinnyi witwaye neza mu Ukwakira.

Guhemba umukinnyi w’ukwezi wa Rayon Sports ni igikorwa gitegurwa n’Uruganda rwenga ibinyobwa ‘SKOL’ rufatanyije na March’ Generation Fan Club, rimwe mu matsinda y’abafana ba Rayon Sports.

Iki gikorwa kiba buri kwezi mu rwego rwo gutera ingabo mu bitugu abakinnyi ba Rayon Sports bitwaye neza, hashishikarizwa n’abandi gukomeza kwitwara neza kuko aribyo bikomeza guha amahirwe ikipe kwitwara neza mu mikino ikina yose.

Iranzi Jean Claude ari mu bakinnyi bitwaye neza muri Rayon Sports mu kwezi gushize
Bizimana Yannick watsinze ibitego bibiri ku mukino wa AS Muhanga, na we ari mu bahataniye iki gihembo
Myugariro Rugwiro Herve na we ni undi mukinnyi uhataniye iki gihembo cy'uwitwaye neza mu Ugushyingo

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza