Kwamamaza

Sugira yongeye kubona inshundura asubiza Vita Club ku mwanya wa mbere

Yanditswe kuya 12-11-2016 saa 20:25' na Jah d'eau DUKUZE


Rutahizamu w’ umunyarwanda Sugira Ernest, afashije Vita Club kujya ku mwanya wa mbere mu mikino ibanza ya shampiyona y’icyiciro cya mbere muri Congo, ubwo igitego cye cyabimburiye ibindi mu mukino banyagiyemo Racing Club de Kinshasa 4-1.

Vita Club yakinaga idafite umutoza mukuru Florent Ibenge uri kumwe n’ikipe y’igihugu ya Congo Kinshasa, yagiye muri uyu mukino ibizi ko igomba kubona intsinzi, kugirango yongere yigarurire imitima yabafana bayo bari bamaze imikino ibiri batishimye kubera umusaruro muke wa Dauphins Noirs nkuko bayita i Kinshasa.

Sugira Ernest yatangiye neza muri Congo atorwa nk'umukinnyi w'ukwezi kwa cyenda

Ntabwo ibintu byatinze kuri Stade tata Raphaël yakinirwagaho umukino, kuko byasabye umunota wa 32 gusa ngo Vita Club ibone inshundura, ubwo Sugira Ernest wari wagiriwe icyizere cyo kubanzamo, yayitsindiraga igitego kuri Penaliti, mbere gato yuko Félix ashyiramo icya kabiri.

Mu gice cya kabiri, Sugira Ernest yaje guha umwanya undi mukinnyi w’u Rwanda Teddy Etekiama uzwi nka Birori Daddy, maze Vita ikomeza gusatira ari nako ibona ibindi bitego bibiri bya Atuba na Makwkwe, mu gihe iyi kipe ya RCK yazaga gutsinda impozamarira kuri Penaliti.

Igitego cya Sugira, cyasangaga ibindi bibiri uyu mukinnyi yari yatsinze Congo mu mukino wa gicuti yakinnye n’ikipe akinira, cyatumye Vita Club irangiza imikino ibanza iri ku mwanya wa mbere n’amanota 18, ni mu gihe hagitegerejwe umukino wanyuma mu itsinda uzahuza ikipe ya Renaissance yari iya mbere hamwe na As Dragons, ni muri iyi zone y’Uburengerazuba Vita iherereyemo.

Sugira na Dieu Merci Mbokani wa Leopards, ni nyuma y'umukino na Congo Kinshasa uyu musore yatsinzemo ibitego bibiri

Umwaka wa shampiyona muri Congo ukinirwa mu ma zone atatu aho zone ebyiri ziba zifite amakipe 10 mu itsinda mu gihe zone ya gatatu iba ifitemo amakipe umunani. Nyuma y’imikino ibanza n’iyo kwishyura, amakipe atatu ya mbere yo mu duce dufite amakipe 10, ndetse n’amakipe abiri ya mbere yo mu gace gafite amakipe umunani, ahita akomereza mu cyiciro cya nyuma cy’amakipe umunani.

Aya makipe umunani aba yarokotse muri 28, na yo aza guhura hagati yayo hakinwa imikino ibanza n’iyo kwishyura maze ikipe irushije izindi amanota ikegukana igikombe.

Abakinnyi bari babanjemo ku ruhande rwa Vita Club: Lomboto, Baometo, Ngonda, Nlandu puati, Makwekwe, Bangala, Xavi, Traoré, Félix, Sugira na Ngoyi


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved