Kwamamaza

Sunrise FC yatsikiye i Rubavu, Police FC inyagira Musanze FC

Yanditswe kuya 27-11-2016 saa 19:38' na Manzi Rema Jules


Sunrise FC yari yatangiye shampiyona neza ndetse ikaba yari igeze ku munsi wa Gatandatu iri ku mwanya wa kabiri, ntiyahiriwe n’urugendo isura Etincelles kuko yahatsindiwe igitego kimwe ku busa yisanga ku mwanya wa Kane mu gihe Police FC yatangiye shampiyona nabi ubu yamaze gufata umwanya wa kabiri nyuma yo kunyagira Musanze FC 3-1.

Shampiyona y’uyu mwaka ikomeje kugaragaza ko nta kipe nto nk’uko byahoze mu myaka ishize aho amakipe akomeye yajyaga gukina n’ayitwa ko yoroshye yamaze kubara amanota atatu nta kabuza.

Sunrise FC yamaze imikino ine idatsindwa mbere yo gukorwamo na Rayon Sports ku munsi wa gatanu wa shampiyona iyitsinze igitego kimwe ku busa i Nyagatare.

Iyi kipe yahoze ari iy’Intara y’Uburasirazuba mbere yo kwegurirwa Akarere ka Nyagatare uyu mwaka, yari yasuye Etincelles kuri Stade Umuganda ntiyahirwa kuko Kambale Salita Gentil wahoze muri Rayon Sports yayibujije amahirwe yo gucyura amanota atatu ku gitego kimwe yatsinze mu gice cya mbere.

Gutsindwa uyu mukino byatumye Sunrise FC ihita itakaza umwanya wa kabiri ufatwa na Police FC yanyagiye Musanze FC ibitego 3-1 ikaba ifite amanota 13 ikurikiwe na Etincelles FC ifite 12.

Uko imikino yose y’umunsi wa gatandatu wa shampiyona yagenze:

Kuwa 23 Ugushyingo 2016

. AS Kigali 1-0 Gicumbi Fc

-  Kuwa Gatandatu tariki 26 Ugushyingo 2016

• Rayon Sports 1-0 Bugesera FC

• Espoir FC 2-0 Mukura VS

• Marines Fc 0-1 Amagaju

• Pepiniere Fc vs APR Fc (Wimuriwe tariki ya 14 Ukuboza 2016)

Ku Cyumweru tariki 27 Ugushyingo 2016

• Musanze 3-1 Police (Nyakinama)

• Kirehe 0-0 SC Kiyovu (Kirehe)

• Etincelles 1-0 Sunrise (Stade Umuganda)

Police FC yafashe umwanya wa kabiri nyuma yo gutsinda Musanze FC iyisanze iwayo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved