Ubuyobozi bwa Mukura VS bwashimangiye ko bushyigikiye umutoza Okoko uvugwaho amarozi

Yanditswe na Manzi Rema Jules
Kuya 5 Mutarama 2017 saa 01:31
Yasuwe :
0 0

Mu gihe byavugwaga ko Umutoza wa Mukura VS, Okoko Godfrey ashobora kwerekwa umuryango usohoka kubera umusaruro ukomeje kuba mubi ndetse n’ibibazo by’ikoreshwa ry’amarozi bimuvugwaho, ubuyobozi bw’iyi kipe buratangaza ko bumuri inyuma ahubwo bazamuha ibyo ashaka byose akagarura ikipe ku murongo.

Mukura Victory Sports yasoje umwaka ushize iri mu makipe ane ya mbere, ihita itangaza ko uyu mwaka wa 2016/2017 ishaka guhanganira igikombe.

Mu Ukwakira, mbere y’uko Shampiyona itangira mu nama yari yahuje abayobozi b’ikipe ya Mukura bari basabye umutoza Okoko kureka gukoresha amarozi ashaka intsinzi nk’uko byari byatangajwe n’uwari Visi Perezida w’ikipe, Nayandi Abraham wamushinjaga kuba ku mukino bakinnye na Rwamagana yari yitwaje umupfumu n’ubwo umutoza yabihakanaga.

Mu mikino 11 imaze gukinwa muri shampiyona, iyi kipe y’i Huye ihagaze ku mwanya wa 11 n’amanota 13 irushwa na Rayon Sports ya mbere 16. Mu yo imaze gukina, yatsinze itatu, inganya ine itsindwa indi ine, by’umwihariko ikaba yarabonye intsinzi imwe gusa mu mikino irindwi iheruka gukina.

Uyu musaruro umutoza akomeje gutanga muri iyi kipe idakunze kuvugwamo ikibazo cy’amikoro ajyanye no kudahemba neza cyangwa ibirarane by’abakinnyi wakubitiyeho icy’ikoreshwa ry’amarozi cyagaragaye ku mukino yanganyijemo na Rayon Sports igitego 1-1.

Byavugwaga ko kubera intera iki kibazo cyafashe aho cyatumye Ferwafa itumiza inama y’igitaraganya tariki 21 Ukuboza 2016 yigaga ku marozi ndetse ishyiraho ibihano ku bazongera kuyakoresha ariko bikanasakara cyane mu bitangazamakuru mpuzamahanga, ubuyobozi bwa Mukura bwifuje kwirukana umutoza kugira ngo burinde isura nziza y’ikipe ariko bwabivuguruje.

Aganira na IGIHE, Umunyamabanga w’iyi kipe, Niyobuhungiro Fidel yagize ati “Muri Mukura kugeza ubu ubuzima buhagaze neza. Abakinnyi bafite akanyamuneza twasoje umwaka neza dutsinze umukino w’Amagaju FC, ubu turimo kwitegura Gicumbi FC kandi nayo twizeye ko tuzayitsinda.”

Yakomeje ati “Iby’amarozi bivugwa ntabyo tuzi. Nta mukinnyi, nta mutoza ukoresha amarozi ndetse nta muntu ufite aho ahuriye na Mukura ukoresha amarozi. Umutoza tumuri inyuma, turamushyigikiye twese turimo kubaka kandi tugomba gusenyera umugozi umwe.”

Gusa uyu muyobozi avuga ko nyuma y’ibyabaye ku mukino wa Rayon Sports bahamagaje umuzamu André Mazimpaka kugira ngo atange ibisobanuro ku byari byagaragaye mu mukino ariko basanga byari mu buryo bwo kwica ikipe bakinaga mu mutwe (mind game) ntaho bihuriye n’amarozi.

Niyobuhungiro yanavuze ko bashobora kuzajya ku isoko muri uku kwezi bakaba bashaka abakinnyi beza baza kubafasha kwikura mu bibazo barimo ariko ngo bizaterwa n’ubusabe bw’umutoza Okoko utaragaragaza ko hari ikibazo cy’abakinnyi afite kugeza ubu.

Umutoza wa Mukura VS, Okoko Godfrey (iburyo) asuhuzanya na Masoudi Djuma wa Rayon Sports ku mukino wavuzwemo ikoreshwa ry'amarozi
Mukura VS ihagaze ku mwanya wa 11 muri shyampiyona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244