Kwamamaza

Umufana wa Kiyovu Sports yaciwe ku bibuga kubera imyitwarire mibi

Yanditswe kuya 17-10-2016 saa 14:05' na Jah d'eau DUKUZE


Umufana w’ikipe ya Kiyovu Sports, Kayisanabo Freeda, yamaze guhagarikwa ku kibuga mu mikino yose ibanza ya shampiyona, nyuma yaho ubuyobozi bw’abafana bayo butangaje ko yagaragaje imyitwarire idahwitse ku mukino batsinzwemo na Bugesera 3-0.

Ibitego bibiri bya Rucogoza Djihad ndetse n’igitego cya Faruk Ruhinda byatumye ikipe y’Urucaca itangira nabi shampiyona itsindirwa mu Bugesera ibitego 3-0 bituma irangiza umunsi wa mbere wa shampiyona iri ku mwanya wa nyuma n’umwenda w’ibitego bitatu.

Amakuru ava mu Bugesera, avuga ko ubwo uyu mukino wakinwaga, umufana umwe wa Kiyovu Sports Kayisanabo Freeda cyangwa se Bibi nk’uko bamwita, yavugaga amagambo mabi abwira abayobozi b’ikipe ye n’iya Bugesera bari bicaranye, ari nako atahwemaga kwibasira umusifuzi wayoboraga uwo mukino. Uyu yaje no gusohorwa umukino utarangiye nyuma yo gusagarira umufana wa Bugesera.

Bibi(Wicaye wa kabiri) yahagaritswe mu mikino ibanza ya shampiyona

Ibi rero byatumye ubuyobozi bw’abafana ba Kiyovu Sports bicara maze umuvugizi wabo Minani Hemedi aza gutangaza ko bahisemo guhagarika uyu mufana mu gihe cy’amezi atatu, ko ibihano bizarangira tariki ya 26 Mutarama ubwo imikino ibanza izaba isojwe.

Hafashwe ingamba zirimo guhagarika Kayisanabo Freeda gukurikirana imikino yose ya phase aller, kumutegeka gusaba imbabazi mu nyandiko abo yabangamiye n’abakunzi b’imikino muri rusange, gukumira Kayisanabo gusubira kwicara mu cyubahiro(tribune d’honneur) no gusaba abo bireba gufasha gushyira mu bikorwa iyo myanzuro mu rwego rwo guca umuco wo kudahana.

Imikino ya shampiyona Bibi azasiba:

  • H 23/10 Amagaju Stade Mumena
  • H 29/10 Gicumbi Stade Mumena
  • A 5/11 Mukura Stade Huye
  • H 18/11 Musanze Stade Mumena
  • A 27/11 Kirehe Stade Kirehe
  • H 4/12 Pepiniere Stade Mumena
  • A 11/12 Etincelles Stade Umuganda
  • H 18/11 APR FC Stade ya Kigali
  • H 24/12 Sunrise Stade Mumena
  • A 31/12 Police Stade ya Kigali
  • H 6/1/2017 Espoir Stade Mumena
  • A 14/1 As Kigali Stade ya Kigali
  • H 22/1 Marines Stade Mumena
  • A 27/1 Rayon Sports Stade ya Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved