Haruna yatoye Sanchez nk’Umukinnyi w’umwaka wa FIFA, Mulisa Jimmy atora Mahrez

Yanditswe na Jah d’eau Dukuze
Kuya 10 Mutarama 2017 saa 01:39
Yasuwe : XX
0

Umutoza w’ikipe y’u Rwanda na Kapiteni w’Amavubi bari mu bemeje ko Cristiano Ronaldo aba umukinnyi w’umwaka wa FIFA gusa aba bombi baza gutungurana bemeza ko Alexis Sanchez na Riyad Mahrez baza mu bakinnyi batatu beza isi ifite.

Cristiano Ronaldo, yaraye yambitswe ikamba ryo kuba umukinnyi w’umwaka wa FIFA,mu mwaka wa 2016 yagiriyemo ibihe byiza kurusha iyindi yose, byumwihariko akegukana igikombe cya Euro ari kumwe n’ikipe y’igihugu ya Portugal. Umunya-Argentine Lionel Messi yaje ku mwanya wa kabiri, Antoine Griezman aba uwa gatatu.

Cristiano Ronaldo yaraye atowe nk'umukinnyi w'umwaka wa FIFA

Gusa aha ariko, mu bantu 452 batoye umukinnyi wa mbere, 77 ntabwo bigeze bashyira Ronaldo mu bakinnyi batatu beza, nubwo abari bahagarariye bo baje kumwemeza nk’umukinnyi w’umwaka. Aba, bakaba barimo Kapiteni w’Ubudage Manuel Neuer.

Kapiteni w’Amavubi Haruna Niyonzima ukinira Yanga, yemeje ko abakinnyi batatu ba mbere ku isi babanzirizwa na Cristiano Ronaldo, Lionel Messi akaba uwa kabiri mu gihe Sanchez Alexis ukinira Arsenal yamushyize ku mwanya wa gatatu. Jimmy Mulisa utoza Amavubi kuri ubu, we yabanje Cristiano Ronaldo, akurikizaho Antoine Griezman mu gihe ku bwe umunya-Algeria Riyad Mahrez ukinira Leicester City ari we uri ku mwanya wa gatatu.

Mu bandi batoye, Wayne Rooney Kapiteni w’Abongereza yatoye Cristiano Ronaldo, Luis Suarez na Jamie Vardy. Hugo Lloris kapiteni w’Abafaransa, we yabanje umufaransa mwene wabo Antoine Griezman akurikiza Lionel Messi mu gihe Ronaldo yaje ku mwanya wa gatatu. Ronaldo ku giti cye nka kapiteni wa Portugal, yemeje ko abakinnyi batatu ba mbere ku isi ari Gareth Bale Luca Modric na Sergio Ramos mu gihe Lionel Messi yatoye Luis Suarez, Neymar na Andres Iniesta.

Uko ba kapiteni bagiye batora umukinnyi wa mbere ku isi

Uko abatoza batoye umukinnyi wa mbere ku isi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza