Umwenda wa miliyoni zisaga 6Frw watumye Stade ya Huye ifungirwa amazi n’umuriro

Yanditswe na Prudence Kwizera
Kuya 11 Gicurasi 2017 saa 08:33
Yasuwe :
0 0

Umwenda wa miliyoni zisaga esheshatu Ikigo cy’Igihugu cy’Imiturire (RHA) kibereyemo Ikigo gishinzwe Amazi, Isuku n’Isukura (WASAC) n’Igishinzwe Ingufu (REG), watumye Stade ya Huye ifungirwa amazi n’umuriro, mu gihe hategerejwe ko inzego bireba zizabikemura.

Muri Mata uyu mwaka nibwo ubuyobozi bwa REG na WASAC bwafashe icyemezo cyo gufunga umuriro n’amazi kuri Stade ya Huye bitewe n’ibirarane byo kuva muri Gicurasi 2016 bimaze hafi umwaka bitarishyurwa.

Umwenda w’amazi RHA isabwa kwishyura WASAC ungana n’amafaranga y’u Rwanda miliyoni enye n’ibihumbi 664 mu gihe uw’amashanyarazi ibereyemo REG ari ebyiri n’ibihumbi cumi na bitandatu.

Umuyobozi wa REG mu Karere ka Huye, Jean pierre Maniraguha,
yabwiye IGIHE ko bamaze igihe kigera ku kwezi bafungiye Stade Huye umuriro kubera ibirarane batarishyurwa.

Yagize ati “Hagati aho twandikiye Rwanda Housing Authority tuyisaba ko yakwishyura vuba, turategereje kandi ndumva biri kugenda neza ku buryo bazayishyura. Kugeza ubu ntibaradusubiza mu buryo bwanditse ariko iyo tuvuganye batubwira ko bakiri kubikoraho. Amafaranga baturimo y’umuriro ni miliyoni ebyiri zirengaho gato”.

Umuyobozi w’Ishami rishinzwe Imyubakire muri Rwanda Housing Authority, Eric Serubibi, aganira na IGIHE yavuze ko ikibazo cy’iyi stade kizwi kandi kirimo gukurikiranwa ku buryo kizaba cyakemutse bitarenze icyumweru gitaha.

Yagize ati “Ikibazo kirazwi, REG na WASAC bari bakuyemo umuriro n’amazi ariko ubu hari ibyo turimo gukora dufatanyije n’Akarere ku buryo ku buryo mu cyumweru gitaha bizaba byakemutse.”

Stade Huye yatangiye kubakwa kuya 17 Mata 2011, yatangiye kwifashishwa mu mikino ya CHAN, nubwo hari imirimo yari itararangira kunozwa.

Ikibazo cyo kutagira umuriro n’amazi ku ikubitiro cyagize ingaruka kuri AS Kigali yasuye Mukura VS mu mukino ubanza wa 1/8 mu gikombe cy’Amahoro, abakinnyi bayo bakanga kujya mu rwambariro kubera umwijima wari uhari, bagahitamo kwambarira muri stade mu myanya yagenewe abafana.

Ibi byaje bikurikira icyabaye mu mikino ya CHAN, ubwo umuriro waburaga iminota igera kuri 12, ku mukino wahuzaga Cameroun na Ethiopia tariki 21 Mutarama 2016.

Icyo gihe mu bashyizwe mu majwi harimo na Rwabidadi Aimable, Ushinzwe Ibikorwa by’Amashanyarazi muri Minisiteri ya Siporo n’Umuco wari uri ku kibuga washinjwaga kunyereza mazutu. Uyu yaje kugirwa umwere n’Urukiko rwisumbuye rwa Huye.

Stade ya Huye yafungiwe amazi n'umuriro
AS Kigali yakiniye i Huye mu gikombe cy'amahoro kuri Stade imaze ukwezi ifungiwe amazi n'umuriro
Mu mikino ya CHAN umuriro warabuze muri Stade Huye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244