Kwamamaza

Usain Bolt agiye gutangira imyitozo imuganisha ku gukabya inzozi ze kuri Manchester United

Yanditswe kuya 14-11-2016 saa 18:21' na Manzi Rema Jules


Umunya-Jamaica, Usain Bolt ufite uduhigo twinshi mu kwiruka n’amaguru metero ijana mu gihe gito kurusha abandi, byamaze gutangazwa n’umuyobozi w’ikipe ya Borussia Dortmund ko agiye gutangira gukorana nayo imyitozo izamufasha kugera ku nzozi ze zo gukina ruhago nk’uwabigize umwuga.

Bolt w’imyaka 30, yakunze gutangaza ko afite inzozi zo gukina umupira w’amaguru kandi ku rwego rwo hejuru by’umwihariko mu ikipe ya Manchester United yo mu Bwongereza isanzwe imuba no ku mutima cyane.

Nk’uko Daily mail ibitangaza, Hans-Joachim Watzke, umuyobozi w’ikipe ya Borussia Dortmund yo mu Budage, yemeje ko uyu musore ibyo yakunze gutangaza ko ashaka kwinjira mu mupira w’amaguru atari imikino cyangwa kwiyamamaza ahubwo ko ari ibintu ashyizemo imbaraga nyinshi.

Bolt umaze kwegukana imidali ya zahabu icyenda mu mikino ya olimpike, yahisemo kwitoreza muri Dortmund kuko we n’iyi kipe baterwa inkunga n’uruganda rwa Puma, ari narwo rwasabiye uyu musore kwitoreza muri Dortmund.

Watzke yavuze ko bishimiye ko Bolt agiye kwitozanya n’abakinnyi b’iyi kipe, ndetse ngo n’umutoza wayo Thomas Tuchel yarabyishimiye.

Ati “Twamaze kubifataho umwanzuro mu minsi yashize. Umuyobozi wa Puma, Bjorn Gulden usanzwe ari mu buyobozi bwacu, yatubwiye ko Usain ashaka kwitozanya natwe. Ku bwacu nta kibazo kirimo, ndetse n’umutoza wacu Thomas Tuchel yashyigikiye icyo gitekerezo. Birumvikana ntabwo azajya aza igihe turi gutegura imikino ikomeye nka Champions League, wenda mu gihe cyo kwitegura shampiyona. Twarabyishimiye ndetse tubifata nk’iby’agaciro.”

Ni kenshi Bolt yagiye agaruka ku cyifuzo cyo gukinira Manchester United ndetse yongeye kubihamya ku wa Gatandatu aganira na the Guardian, aho yavuze ko aramutse akiniye iyi kipe ahoza ku mutima ngo inzozi ze zaba zibaye impamo.

Ati “ Ku bwanjye, ndamutse nkiniye Manchester United, byaba ari inzozi zibaye impamo. Ni ukuri, naba ngeze mu bushorishori.”

Bolt yakunze kugaragaza ko akunda iyi kipe ifite ibikombe byinshi bya shampiyona b’u Bwongereza, ajya kureba imwe mu mikino yayo muri iki gihugu.

Bolt yashyizeho uduhigo twinshi nu kwiruka ku maguru muri metero 100
Bolt avuga ko yifuza gukina umupira w'amaguru by'umwihariko muri Manchester United
Watzke avuga ko bishimiye kwakira Bolt mu ikipe yabo
Usain Bolt afana bikomeye Manchester United ku buryo ajya no kureba imikino yayo mu Bwongereza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved