USM Alger yatandukanye na Emery Bayisenge atarayikinira umukino n’umwe

Yanditswe na Manzi Rema Jules
Kuya 19 Nyakanga 2018 saa 09:11
Yasuwe :
0 0

Mu kwezi gushize nibwo myugariro w’Amavubi, Bayisenge Emery yakoze ikizamini cy’ubuzima muri USM Alger aragitsinda ndetse ashyira umukono ku masezerano y’imyaka itatu gusa yahise atandukana nayo nta kwezi gushize ataranayikinira umukino n’umwe wemewe.

Ubwo USM Alger yari imaze gutsinda Rayon Sports yo mu Rwanda ibitego 2-1 mu mukino wa CAF Confederation Cup, umutoza wayo Thierry Froger yagiranye ikiganiro n’abanyamakuru abajijwe ku byerekeye myugariro Bayisenge Emery yavuze ko batakimushaka ndetse ashobora kujya kwishakira ikipe ahandi.

Yagize ati "Emery nta bwo akiri umukinnyi wa USM Alger. Si njye wamuguze namubonye mu myitozo mbona atari umukinnyi nifuza, kandi njye nk’umutoza ninjye ufata umwanzuro.”

Uyu mutoza ukomoka mu Bufaransa yavuze ko kurekura Emery Bayisenge akajya kwishakira indi kipe biri mu nyungu ze kuko byari bigoye ko yazabona umwanya wo gukina bitewe n’uko abandi ba myugariro bose bahari bamurusha.

Uyu musore uri mu bafashije u Rwanda kubona itike y’igikombe cy’Isi cy’abatarengeje imyaka 17 mu 2011, yagiye muri USM Alger avuye muri Maroc aho yakiniraga ikipe ya Jeunesse Sportive El Massira nayo akaba yari yayigiyemo amaze gutandukana na Kenitra.

USM Alger yari imaze igihe gito itangaje amakuru yo gusinyisha myugariro Bayisenge ibinyujije ku rubuga rwayo rwa Instagram

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza