Zanaco FC izacakirana na APR FC yasesekaye i Kigali

Yanditswe na Manzi Rema Jules
Kuya 16 Gashyantare 2017 saa 02:59
Yasuwe :
0 0

Ikipe ya Zanaco FC yo muri Zambia yamaze kugera i Kigali aho ije gukina na APR FC mu mukino wo kwishyura w’amarushanwa Nyafurika ahuza amakipe yabaye ya mbere iwayo (CAF Champions League).

Iyi kipe yageze ku Kibuga cy’indege cya Kigali ku isaha ya saa 12:30 z’amanywa zo kuri uyu wa Kane, tariki 16 Gashyantare.

Bakigera i Kigali, umutoza w’iyi kipe Mumamba Numba, yatangaje ko ikibazanye mu Rwanda ari ugushaka intsinzi n’ubwo abona ko ikipe ya APR FC ikomeye.

Yavuze ko muri uyu mukino azibanda cyane ku busatirizi bw’ikipe ye kugira ngo azabashe kubona igitego cyo hanze cyazamufasha kwiyongerera amahirwe yo gusezerera ikipe y’ingabo z’u Rwanda. Yavuze kandi ko uyu mukino uzaba umwanya wo gukosora amakosa abakinnyi be bakoze mu mukino ubanza wabereye muri Zambia, aho bagiye babona amahirwe yo gutsinda ibitego ariko ntibayabyaze umusaruro.

Umukino ubanza wabaye ku wa Gatandatu w’icyumweru gishize, warangiye amakipe yombi anganyije ubusa ku busa.

Uyu mukino wo kwishyura uteganyijwe kuba ku wa Gatandatu w’iki cyumweru kuri Stade Amahoro, ku isaha ya saa cyenda n’igice (15:30).

Iyi kipe igeze i Kigali mu gihe APR FC bazahura yo iri gukorera umwiherero i Shyorongi, ari naho abakinnyi bayo bari gukorera imyitozo itegura uyu mukino bagomba gutsinda byanze bikunze kugira ngo bizere gukomeza mu cyiciro gikurikiyeho.

Ikipe izakomeza hagati y’izi zombi izahura n’izarakoka hagati ya Young Africans yo muri Tanzania na Ngaya FC yo mu birwa bya Maurices.

Abasore ba Zanaco FC bageze ku kibuga cy'indege i Kanombe
umutoza wa ZANACO, Mumamba Numba arashaka amanota yo gusezerera APR FC

Amafoto: Hugues Gislain


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza