IGIHE.com > Imikino > Football
 CAN 2013: Ikarita y’umutuku yahawe umukinnnyi wa Burkina Faso muri 1/2 yateshejwe agaciro

CAN 2013: Ikarita y’umutuku yahawe umukinnnyi wa Burkina Faso muri 1/2 yateshejwe agaciro


Yanditswe kuya 8-02-2013 - Saa 18:10' na Deus Ntakirutimana

Umukinnyi wa Burkina Faso Jonathan Pitroipa yakomorewe gukina umukino wa nyuma w’igikombe cy’Afurika cy’ibihugu uzaba ku cyumweru, tariki ya 10 gashyantare, nyuma yo guhabwa ikarita itukura n’umusifuzi waje kwemera ko yayimuhaye yibeshye.

Umusifuzi Slim Jdidi yiyemereye ko yakoze ikosa aha ikarita y’umuhondo uyu mukinnyi, afute indi bituma ahabwa abona ikarita itukura ku mukino wa ½ ikipe ya Burkina faso yakinaga na Ghana.

Kuba yararenganyijwe byanemejwe n’ishyirahamwe ry’umupira w’amaguru muri Afurika, CAF, ifata icyemezo cyo guhagarika uwo musivuzi.

Umusifuzi nawe amaze kwemerera CAF ko yibeshye, byahaye amahirwe uwo mukinnyi wa Burkina Faso kuzakina umukino wa nyuma wa CAN 2013 bazahura na Nigeria.

Umwe mu bayobozi ba Caf yatangarije Ibiro ntaramakuru by’Abongereza (Reuters) ko uyu musifuzi yandikiye CAF ibaruwa ayimenyesha ko yibeshye mu gutanga ikarita. Aha rero ngo mu gihe CAF yamaraga gusuzuma amashusho y’itangwa ry’iyo karita, ngo basanze koko ibyo umukinnyi avuga ari ukuri.

Jonathan Pitroipa atunguwe no kubona ikarita itukura

Jonathan Pitroipa w’imyaka 27 ukinira igihugu cye, unakinira ikipe ya Stade Rennais mu Bufaransa azifashishwa mu kuziba icyuho mu ikipe ye , cyatewe na rutahizamu wari wizewe, Alain, wavunitse.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO