Kwamamaza

Crespo ntazongera gukinira Mukura

Yanditswe kuya 28-12-2012 saa 08:07' na Izuba Rirashe
     


Nyuma y’ikiganiro ikinyamakuru Izuba Rirashe cyagiranye n’Umunyamabanga Mukuru wa Mukura, Olivier Mulindahabi avuga ko akeka ko Sebanani Emmanuel uzwi ku izina rya Crespo impamvu atagaruka muri Mukura ari uko yateye inda umukobwa akaba atinya kugaruka kubera ingaruka zamubaho, uyu musore (Crespo) , yatangarije iki kinyamakuru ko atazasubira muri Mukura kubera amagambo y’uyu muyobozi yamuvuzeho.
Mu kiganiro Crespo yagiranye n’ikinyamakuru Izuba Rirashe, yavuze ko yemera ko yateye inda uwo (...)

Nyuma y’ikiganiro ikinyamakuru Izuba Rirashe cyagiranye n’Umunyamabanga Mukuru wa Mukura, Olivier Mulindahabi avuga ko akeka ko Sebanani Emmanuel uzwi ku izina rya Crespo impamvu atagaruka muri Mukura ari uko yateye inda umukobwa akaba atinya kugaruka kubera ingaruka zamubaho, uyu musore (Crespo) , yatangarije iki kinyamakuru ko atazasubira muri Mukura kubera amagambo y’uyu muyobozi yamuvuzeho.

Mu kiganiro Crespo yagiranye n’ikinyamakuru Izuba Rirashe, yavuze ko yemera ko yateye inda uwo mukobwa w’i Huye, ariko ntiyatangaje amazina ye cyangwa icyo akora.

Crespo yabwiye Izuba Rirashe ko gutera inda ari ibintu byaba kuri buri wese, ndetse ibi atari byo byatumye ahunga ava mu Mujyi wa Huye kugira ngo adafatwa ngo afungwe.

Yagize ati “njyewe nababajwe cyane n’amagambo Umunyamabanga Mukuru wa Mukura yavuze ko nacitse i Huye kubera gutera inda! Yego nateye inda, ariko si byo byatumye mva i Huye, hari ibyo bari batarankemurira kandi banyemereye, gusa nyuma yo kumva ariya magambo nta gahunda mfite yo kuba nasubira kuhakina.”

Crespo atangaza ko nta n’indi kipe yo mu Rwanda yumva ashaka gukinira ahubwo ari gushaka ibyangombwa ngo abe yakwerekeza gukina hanze y’u Rwanda ndetse ngo ibyangombwa asa nk’uwamaze kubibona.

Yakomeje agira ati “nari mfite ikibazo cyo kubona pasiporo none FERWAFA yabimfashijemo ubu nayibonye, igisigaye ni Visa ubundi nkagenda kandi mfite icyizere ko bikemuka vuba nkava mu Rwanda nkajya gukina hanze.”

Abajijwe igihugu azerekezamo, Crespo yavuze ko azagitangaza agiye kugenda.

Sebanani Emmanuel Crespo yasinye imyaka ibiri muri Mukura muri Kanama 2012, aguzwe miliyoni ebyiri n’igice (2.500.000frw) z’Amanyarwanda.

Uyu musore avuga ko muri ayo mafaranga hari ibihumbi magana atanu Mukura itaramuha ari nabyo byatumye areka kuyikinira.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved