IGIHE.com > Imikino > Football
Espoir na Etincelles barakina nta bafana bari ku kibuga

Espoir na Etincelles barakina nta bafana bari ku kibuga


Yanditswe kuya 9-02-2013 - Saa 10:19' na Rene Anthere Rwanyange

Nyuma y’imitwrire mibi y’abafana ba Espoir bagaragaje ubwo yakinaga na Police FC, Komisiyo ngengamyitwarire mu Ishyirahamwe ry’Umupira w’amaguru mu Rwanda (FERWAFA), yahanishije ikipe ya Espoir ko umukino uyihuza na Etincelles kuri uyu wa Gatanadatu nta mufana n’umwe wemerewe gukandagira ku kibuga.

Icyemezo cyo kubuza abafana kwinjira kuri Stade aho Espoir iri bwakire Etincelles byakomotse ku mukino wabaye ku wa 19 Mutarama 2013, ubwo Espoir yakinaga na Police, abafana bakagira imyitwarire mibi. Ibyo byatumye Komisiyo y’imyitwarire muri FERWAFA, yateranye mu mpera z’ukwezi kwa Mutarama ifata umwanzu ko Espoir izakira Etincelles nta mufana n’umwe ukojeje ikirenge ku kibuga.

Ibyo byatumye kandi iyo komisiyo yihanangiriza umutoza wa Espoir Sogonya Hamisi, bikozwe mu nyandiko kuko ngo hari amagambo yakoresheje kuri Radio ashobora guteza umutekano muke ku kibuga mu mukino uba uyu munsi.

Nk’uko bitangazwa na FERWAFA, abemerewe gukurikirana umukino ni abakinnyi na abayobozi ba tekiniki b’amakipe yombi, abagize Komite Nyobozi z’amakipe yombi, abasifuzi, Komiseri n’izindi Ntumwa za FERWAFA; abapolisi baje kubahiriza umutekano n’abanyamakuru ba Siporo babifitiye ibyangombwa.

Uko imikino iteganyijwe ku munsi wa 16 wa Shampiyona Primus National Football League

Kuri uyu wa Gatandatu tariki ya 9 Gashyantare, Police irakira APR TC ku Kicukiro; Marines irasurwa na Mukura kuri Stade Umuganda, AS Kigali irakira Kiyovu Sport kuri Stade ya Kigali i Nyamirambo; Amagaju arakina na Isonga i Nyamagabe; Espoir irakira Etincelles i Rusizi na ho Musanze yakire Muhanga i Musanze kuri Stade Ubworoherane.

Ku munsi w’Ejo ku Cyumweru tariki ya 10 Gashyantare hateganyijwe umukino umwe aho La Jeunesse izakira Rayon Sports kuri Stade ya Kigali i Nyamirambo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO