Kwamamaza

Ikibazo cya FERWAFA na Botswana ntikirabonerwa umuti

Yanditswe kuya 20-11-2012 saa 08:12' na Izuba Rirashe
     


Ishyirahamwe ry’umupira w’amaguru mu Rwanda (FERWAFA) riherutse gutanga ikirego mu Ishyirahamwe y’Umupira w’amaguru muri Afurika (CAF) rirega Botswana kuba yarakinishije abakinnyi bakuze mu mikino yabereye kuri Sitade Amahoro i Remera bashaka itike yo kujya mu gikombe cy’Afurika cy’abatarengeje imyaka 17, igisubizo ntikiraboneka.
Iki kirego cya FERWAFA cyaje nyuma gato y’aho Amavubi y’abatarengeje imyaka 17 akuriwemo na Botswana kuri za penaliti, amakipe yombi yari yanganyije 1-1 mu mikino ibiri. (...)

Ishyirahamwe ry’umupira w’amaguru mu Rwanda (FERWAFA) riherutse gutanga ikirego mu Ishyirahamwe y’Umupira w’amaguru muri Afurika (CAF) rirega Botswana kuba yarakinishije abakinnyi bakuze mu mikino yabereye kuri Sitade Amahoro i Remera bashaka itike yo kujya mu gikombe cy’Afurika cy’abatarengeje imyaka 17, igisubizo ntikiraboneka.

Iki kirego cya FERWAFA cyaje nyuma gato y’aho Amavubi y’abatarengeje imyaka 17 akuriwemo na Botswana kuri za penaliti, amakipe yombi yari yanganyije 1-1 mu mikino ibiri.

Mu kiganiro ikinyamakuru Izuba Rirashe cyagiranye na Gasingwa Michel, Umunyamabanga FERWAFA, yavuze ko ikirego cy’uko Botswana yakinishije abakinnyi barengeje imyaka 17, CAF nta cyo iragikoraho.

Ati “dutegereje ko CAF yadusubiza muri iyi minsi kuko amajonjora ya nyuma mu gushaka itike y’igikombe cy’Afurika ateganyijwe muri uku kwezi, kandi ari twe ari na Botswana ntituramenya ikipe izakina imikino ikurikira, ubu rero twizeye ko tuzasubizwa vuba kuko ibaruwa twohereje yagezeyo”.

Umunyamabanga wa FERWAFA avuga ko bizeye ko CAF izabasubiza vuba kugira ngo bamenye gahunda iri imbere ati “twebwe icyo dushaka ni uko CAF yazana abantu bayo bagapima abakinnyi bakinnye uriya mukino bakoresheje bya byuma bipima imyaka (MRI) nta gihamya ihagije dufite ko abakinnyi ba Botswana barengeje 17 ariko turashaka kureba ko batabeshye imyaka, CAF ntiradusubiza turategereje, ariko nta cyizere dufite ko Amavubi ari yo yakomeza dukurikije ibyemezo CAF ikunze gufata.”

Nyuma y’aho Botswana isezereye Amavubi tariki 20 ukwakira 2012, iyi kipe izahura na Algeria mu mukino wa nyuma wo gushaka itike y’igikombe cy’Afurika cy’abatarengeje imyaka 17 kizabera Maroc umwaka utaha niba nta gihindutse.

Ikipe y’igihugu y’abatarengeje imyaka 17 ya Botswana yasezereye u Rwanda tariki ya 20 Ukwakira 2012 kuri penaliti 5 kuri 6, kuko mu mikino yombi zanganyaga igitego kimwe kuri kimwe.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved