IGIHE.com > Imikino > Football
Imikino ya Copa Coca-Cola yerekeje muri kimwe cya kabiri cy’irangiza

Imikino ya Copa Coca-Cola yerekeje muri kimwe cya kabiri cy’irangiza


Yanditswe kuya 20-05-2012 - Saa 19:15'

Kuri iki cyumweru mu Karere ka Muhanga hakomereje amarushanwa ya Copa Coca-Cola yashoje imikino ya kimwe cya kane yerekeza muri kimwe cya kabiri nyuma yo kugaragara kw’amakipe y’Akarere ka Nyarugenge mu bahungu, aka Ruhango mu bakobwa na Kamonyi azakomeza.

Iyi mikino igamije guteza imbere umupira w’amaguru mu Rwanda cyane hazamurwa impano (mu mupira w’amaguru) z’urubyiruko rwo mu mashuri abanza n’ayisumbuye rubarirwa hasi y’imyaka 17 y’amavuko no kurushaho kwamamaza ikinyobwa cya Coca-Cola.

Ubu urubyiruko rukaba rukomeje kwigaragaza neza muri aya marushanwa aba buri mwaka aho kugeza ubu amwe mu makipe arimo amaze kurenga muri kimwe cya kane cy’irangiza, amakipe yabashije gukomeza ari Nyarugenge mu bahungu, nyuma yo kwihererana ikipe ya Nyamagabe ikayitsinda ibitego bitatu byose kuri kimwe gusa, mu bakobwa ikipe ya Kamonyi ikaba yasezereye iya’Akarere ka Nyamagabe iyitsinze ibitego 4 -0 naho Ruhango ikaba yasezereye Rwamagana ku bitego 3-0.

Nyuma y’aya akipe azakomeza ikipe y’Akarere ka Kicukiro kuva kuri uyu wa gatandatu ikaba yanganyije n’iy’akarere ka Huye, mu gihe iya Musanze yo yanganyije n’iya Kirehe kimwe kuri kimwe.

Uretse aba bakinnyi kandi bagaragara muri aya marushanwa ngo abakinnyi nka Bayisenge Emmery ndetse n’abandi bakaba barazamukiye muri aya marushanwa ndetse n’abandi bakoherezwa mu makipe akomeye ku migabane yo hanze ya Afurika nk’ibihembo ariko bakanakinira amakipe amwe n’amwe yaho, ibi ngo bikaba biri no mu nshingano zabo nk’intego bihaye yo gufasha FERWAFA gufasha abakinnyi bakomeye.

Nk’uko bisanzwe uretse kuba abakinnyi bitwaye neza kurusha bajyanwa gukina ku mugabane w’u Burayi, ikipe ibaye iya mbere ihembwa igikombe kizengurutswa hose mu rwego rwo kubatera inyota yo kurushaho gukora bagihatanira ndetse n’amafaranga y’u Rwanda agera ku bihumbi magana kuri buri kipe yabaye iya mbere. Izindi zigahembwa ibihumbi magana atatu na magana abiri uko zikurkirana mu bakobwa no mu bahungu.

Ubu bikaba biteganyijwe ko mu mikino mu itaha izakomereza mu Karere ka Musanze kuwa gatanu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO