Kiyovu na Rayon Sports zirahatanira amadolari y’Amerika 4,000 kuri iki cyumweru

Ikipe ya Rayon Sports n’iya Kiyovu Sports zizacakirana kibuga kuri iki cyumweru mu mukino wo kumurika ku mugaragaro urubuga rwa Internet, footballrwanda.com, ruzajya rwndika amakuru y’umupira w’amaguru, ikipe izatsinda indi ikegukana amadolari y’Amerika 4000.

Nk’uko tubikesha urubuga Ruhago yacu, footballrwanda.com ruzajya rugaragaza ramashusho y’imikino ya shampiyona y’icyiciro cya mbere.

Mudaheranwa Shaffi, umwe mu bashinze urwo rubuga, yatangaje ko mu kurumurika ku mugaragaro bahisemo amakipe ya Kiyovu Spotrts na Rayon Sports kuko ari yo makipe aza imbere ku rutonde rwa shampiyona.

Shaffi(Ibumoso), na Davis ni bo bashinze uru rubuga. impande yabo hari igikombe kizakinirwa

Mudaheranwa avuga ko bari bashatse ko hakina amakipe ane, ariko a amwe ntiyashoboye kumvikana nabo kubera impamvu zitandukanye, bafata asigaye agaragara imbere.

“Byarangiye dutoranyije ayo makipe yombi kuko Kiyovu ubu ari iya mbere ku rutonde rwa shampiyona Rayon Sports ikaba iya gatatu kandi muri iyi minsi ikaba iri kwitwara neza”.

Akomeza agira ati “Twari twanatekereje Police ariko iyi ntibyari gukunda kuko ifite umukinbo w’ikirarane igomba gukina mu mpera za kino cyumweru”.

Ikipe izitwara neza mu mukino uzabera kuri Stade Amahoro, izahabwa igikombe giherekejwe n’amadolari 4 000 y’Amerika ni ukuvuga asaga miliyoni 2.5 z’Amanyarwanda. Ikipe izaba yatsinzwe muri izo zombi yo ikazahabwa amadolari 2000.