IGIHE.com > Imikino > Football
Police FC ikomeje kuyobora urutonde rwa Shampiyona PNFL

Police FC ikomeje kuyobora urutonde rwa Shampiyona PNFL


Yanditswe kuya 27-01-2013 - Saa 09:03' na Rene Anthere Rwanyange

Kuri iki cyumweru tariki ya 27 Mutarama amakipe y’umupira w’amaguru mu Rwanda arakomeza guhatanira gutwara igikombe cya Shampiyona Primus National Football League. Imikino yo kwishyura ikaba yaratangiye ku mu nsi w’ejo hashize ikaba ikomeza.

Uyu munsi amakipe arahura ku buryo bukurikira

Amagaju FC arakira Rayon Sports i Nyamagabe, Espoir yakire Kiyovu i Rusizi. Musanze irakina n’Isonga FC kuri Stade Ubworoherane i Musanze, Muhanga yakire Etincelles FC kuri Stade y’i Muhanga. AS Kigali irakira Mukura VS kuri Stade ya Kigali i Nyamirambo.

Ku munsi w’ejo hashize mu mikino ibiri yabaye Marines yakiriye APR FC kuri Stade umuganda umukino urangira ari ubusa ku busa. La Jeunesse yakiri Police FC ku Mumena umukino urangira amakipe yombi anganya ibitego bibiri ku bindi.

Nk’uko tubikesha urubuga rwa FERWAFA Police FC ikomeje kuyobora urutonde by’agateganyo n’amanota 29 izigamye ibitego 10, ku mwanya wa kabiri haza Kiyovu Sport namanota 26 izigamye ibitego3, ku mwanya wa gatatu hari Rayon Sports n’amanota 25 ikaba izigamye ibitego 9 inganya na APR FC ariko Rayon yakinnye imikino 13 na ho APR yakinnye 14.

Ku mwanya wa gatanu haza AS Kigali n’amanota 24 izigamye ibitego 8, uwa gatandatu hari La Jeunesse n’amanota 22 izigamye ibitego 2, ku wa karindwi haza Musanze FC n’amanota 19 izigamye ibitego 4, ku mwanya wa 8 hari Mukura n’amanota 16 ikaba ifite umwenda w’igitego, ku wa 9 hari Amagaju FC n’amanota 14 n’umwenda w’ibitego 4 na ho ku mwanya wa 10 haza Espoir FC n’amanota 15 n’umwenda w’ibitego5.

Ku mwanya wa 11 haza Marines FC n’amanota 12 n’umwenda w’ibitego 9, uwa 12 hari Muhanga FC n’amanota 11 n’umwenda w’ibitego 11, ku myanya ibiri ya nyuma uwa 13 n’uwa 14 haza Etincelles na Isonga FC zombie zifite imwe imwe amanota 9 n’umwenda w’ibitego 7.

Nk’uko bigaragara guhera ku ikipe ku mwanya wa munani kugeza ku wa nyuma amakipe ari muri iki cyiciro yose ifite umwenda muto ni igitego kimwe. Bigaragaza ko iyo akina aba asabwa gutsinda byinshi kugira ngo ashobore gusohokamo.

Ku bakinnyi bafite ibitego byinshi nk’uko FERWAFA yabishyize ahagaragara Mbaraga Jimmy wo muri AS Kigali aza ku mwanya wa mbere n’ibitego 8, Kagabo Peter wo muri Police FC na Sina Jerome wo muri Rayon Sports buri umwe afite ibitego 7, Kambale Salita Gentil wo muri Rayon Soprts aza ku mwanya wa 4 n’ibitego 6, ku mwanya wa gatanu haza Lomami Andre wo muri La Jeunesse na Iranzi Jean Claudewo muri APR FC buri umwe afite ibitego 5; Ndayisenga Fuadi wo muri Rayon Sports na Yossa Bertra wo muri Mukura VS buri umwe akagira ibitego 4.

Ifoto: Umutoza wa Police FC/Ububiko

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO