U Bwongereza bwongeye kwiyambaza Rio Ferdinand

Yanditswe na Nsabimana Emile
Kuya 16 Werurwe 2013 saa 11:35
Yasuwe :
0 0

Umukinnyi wa ruhago Rio Ferdinand usanzwe akinira ikipe ya Manchester United, yongeye kugirirwa icyizere n’umutoza w’ikipe y’igihugu cy’u Bwongereza Roy Hodgson ngo azafatanye n’abandi mu mikino yo guhatanira kujya mu gikombe cy’Isi cya 2014.
Ferdinand azagaragara mu mukino b’u Bwongereza na San Marino, ndetse n’uzahuza igihugu cye na Montenegro.
Uyu myugariro wa Manchester United yaherukaga kugaragara mu ikipe y’igihugu mu mukino wabahuje igihugu cye n’u Busuwisi muri Kamena 2011 bakanganya (...)

Umukinnyi wa ruhago Rio Ferdinand usanzwe akinira ikipe ya Manchester United, yongeye kugirirwa icyizere n’umutoza w’ikipe y’igihugu cy’u Bwongereza Roy Hodgson ngo azafatanye n’abandi mu mikino yo guhatanira kujya mu gikombe cy’Isi cya 2014.

Ferdinand azagaragara mu mukino b’u Bwongereza na San Marino, ndetse n’uzahuza igihugu cye na Montenegro.

Uyu myugariro wa Manchester United yaherukaga kugaragara mu ikipe y’igihugu mu mukino wabahuje igihugu cye n’u Busuwisi muri Kamena 2011 bakanganya ibitego bibiri kuri bibiri.

Rio Ferdinand w’imyaka 34, amaze gutoranywa mu bagize ikipe y’igihugu inshuro 81, akaba yaratangiye kugaragara u Bwongereza bwahuraga na Cameroun mu 1997.
Umutoza w’ikipe y’u Bwongereza Roy Hodgson yasobanuye impamvu yongeye kumuhamagara agira ati “Si ugufitira dukeneye umukinnyi wo hagati inyuma mwiza. Nta gitangaje gihari kuko atari yatoranyijwe ubushize. Akina neza kandi n’ikipe ye ihagaze neza ku buryo bimwemerera ko iki gihe akwiye kugirirwa icyizere. Twizeye ko azadufasha gutsinda iyi mikino ibiri twitegura,”

U Bwongereza buzakina na San Marino ku wa gatanu tariki ya 22 Werurwe 2013, nyuma yerekeze i Montenegro ku wa kabiri tariki ya 26 Werurwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza