Kwamamaza

Umukinnyi wa Panthère Noire “Maitre Sabiti“ arakangurira abakinnyi gukundana

Yanditswe kuya 13-04-2013 saa 12:48' na Thamimu Hakizimana
     


Hakizimana Sabiti uzwi ku izina rya “Maitre “ wahoze ari umukinnyi wa Panthère Noire arakangurira abakinnyi gukundana, bakagira ubumwe, kuko ari na byo bizatuma bagira umutima umwe, birinda amacakubiri.
Hakizimana Sabiti wahawe izina rya “Maitre” ubwo yakinaga mu ikipe ya Gisirikare yitwaga Panthère Noire, kuva mu 1987 kugeza mu 1990, mu kiganiro na IGIHE atangaza ko kugira ngo ibyabaye bitazongera na rimwe mu Rwanda ndetse n’ahandi hose ku Isi, ari uko kwibuka Jenoside yakorewe Abatutsi (...)

Hakizimana Sabiti uzwi ku izina rya “Maitre “ wahoze ari umukinnyi wa Panthère Noire arakangurira abakinnyi gukundana, bakagira ubumwe, kuko ari na byo bizatuma bagira umutima umwe, birinda amacakubiri.

Hakizimana Sabiti wahawe izina rya “Maitre” ubwo yakinaga mu ikipe ya Gisirikare yitwaga Panthère Noire, kuva mu 1987 kugeza mu 1990, mu kiganiro na IGIHE atangaza ko kugira ngo ibyabaye bitazongera na rimwe mu Rwanda ndetse n’ahandi hose ku Isi, ari uko kwibuka Jenoside yakorewe Abatutsi byahoraho kandi n’abakinnyi bakabyiyumvamo kuko hari ababa bumva bitabareba.

Maitre akomeza avuga ubwo yakinaga muri Panthère Noire, atigeze na rimwe abonamo ikintu cy’ivangura ry’amoko. Akomeza avuga ko niba koko ivangura ryakorwaga n’abayobozi kandi batabibwiraga abakinnyi.

Maitre abajijwe niba nta bakinnyi bakinanye azi bakoze Jenoside, ati “abakinnyi ntabo nzi, gusa uwo nzi washinjwe gukora Jenoside ni Ndanda kandi na we akaba yarapfiriye muri Gereza Nkuru ya Kigali (1930) ariko na we akaba yapfuye ataraburana, ku buryo kumushinja icyaha atarakatiwe biba bigoye.

Mu bakinnyi bazize Jenoside yari azi Maitre avuga Kamili, Muhire, Rugumire Celestin na Byungura Aloys wakiniraga ikipe ya Rayon Sports.

Hakizimana Sabiti Maitre yagiriye inama abakinnyi yo kwiha agaciro ndetse bakagaha n’igihugu cyabo, badashyira imbere amafaranga, kuko iyo ariyo bashyize imbere bituma igihe cyabo cyo gukina kirangira vuba. Yongeyeho ko ibi avuga bimaze kugaragara cyane kuko ubu mu Rwanda nta mukinnyi ugikina ngo avugwe imya 7 ko aba yamaze kureka gukina cyangwa atakiri mu bihe bye byiza.

Asaba abakinnyi kwirinda ivangura iryo ari ryo ryose, bakabana kivandimwe kuko na Adamu na Eva nta bwoko bagiraga.

Abakinanye na Hakizimana Sabiti Maitre bakiriho kandi bagikomeye mu mupira w’amaguru ni Kanamugire Aloys. Abandi bariho ariko batakigaragara mu mupira w’amaguru hari Munyakazi Hassan, Muhire Eugene na Vita Abdulahiman bitaga mana y’ibitego.

Hakizimana Sabiti Maitre
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved