Alitari, Ishusho ya Yezu, abakunzi… ibyihariye mu rwambariro rw‘amakipe mu gikombe cy’Isi (Amafoto)

Yanditswe na Manzi Rema Jules
Kuya 20 Kamena 2018 saa 07:30
Yasuwe :
0 0

Mu gihe amaso yerekejwe mu bibuga byo mu Burusiya kubera imikino y’Igikombe cy’Isi cya 2018, hari udushya tumwe na tumwe tutagaragarira amaso ya benshi nk’uburyo mu rwambariro rwa buri kipe hagiye hatunganywa byihariye cyangwa uburyo abakinnyi ku giti cyabo baha agaciro ibintu runaka.

Bitewe n’imyemerere ya buri mukinnyi cyangwa ikipe, bamwe bigenda bijya hanze uko bitwaje amafoto y’abakunzi babo, imiryango yabo, amashusho ya Yezu na Bikira Mariya n’ibindi bijyanye n’imyemerere cyangwa ibibatera ishaba rishobora kubahesha kwegukana igikombe, bagahesha ishema ibihugu byabo.

Nubwo atari benshi bagira amahirwe yo kumenya ibibera mu rwambariro rw’amakipe no mu byumba by’abakinnyi, Ikinyamakuru Daily Mail cyakusanyije bimwe mu bigenda bigaragara mu rwambariro rw’amakipe atandukanye.

Abakinnyi ba Peru bari bubatse urutambiro ruriho amafoto ya Yezu mbere y'umukino batsinzwemo na Denmark
Mu rwambariro rwa Argentina hari hubatswe alitari yo gufasha abakinnyi bari bakeneye gusenga, ku mukino banganyijemo na Iceland
Ku mukino wa Portugal na Espagne, umukinnyi yari yabajijwe icyo ari bufungure nyuma y'umukino
Intebe ya Sergio Ramos mbere y'umukino banganyijemo na Portugal
Intebe ya Cristiano Ronaldo mu mukino banganyijemo na Espagne ibitego 3-3
Imyambaro y'abakinnyi ba Brazil ku mukino w'u Busuwisi
Harold Cummings ukinira Panama nawe yakoresheje uturindamirundi turiho umuryango we ku mukino batsinzwemo n'u Bubiligi
Ikirango cy'Ishyirahamwe ry'Umupira w'Amaguru mu bwami bwa Maroc mu rwambariro, ku mukino batsinzwemo na Iran 1-0
Imyambaro ya Cristiano Ronaldo ku mukino wa Maroc
Imyambaro ya Jordan Henderson, Harry Kane na Raheem Sterling mu rwambariro, mbere y'umukino u Bwongereza bwatsinzemo Tunisia ibitego 2-1
Rutahizamu wa Uruguay, Luis Suarez, yakoresheje ifoto y'umuryango we, yandikaho ati duhorana namwe, turabakunda
Mu rwambariro rwa Maroc haba hateguwemo ibiribwa
Rutahizamu w'u Budage, Thomas Muller, yakoresheje utuntu turinda imirundi turiho ifoto ya Lukas Podolski bahoze bakinana mu ikipe y'igihugu
Marcelo wa Brazil nawe yari afite uturindamirundi turiho umuryango we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza