The Mirror Hotel yashyizeho amahirwe ku baharebera Igikombe cy’Isi arimo gutsindira ibihembo

Yanditswe na Manzi Rema Jules
Kuya 6 Nyakanga 2018 saa 11:53
Yasuwe :
1 0

Mu gihe abakunzi ba ruhago ku Isi hose bahanze amaso mu Burusiya ahagomba gutangira imikino ya ¼ cy’Igikombe cy’Isi kuri uyu wa Gatanu, abifuza kureba iyi mikino mu Rwanda bashyizwe igorora na The Mirror Hotel, aho bayikurikirana ku mateleviziyo ya rutura ndetse bagatombola ibihembo bitandukanye.

Imikino ya ¼ cy’Igikombe cy’Isi iratangira saa 16h00 Uruguay yasezereye Portugal ya Cristiano Ronaldo yisobanura n’u Bufaransa, muri ibi bihugu byombi hakaba nta na kimwe kiratsindwa na rimwe muri iri rushanwa. Saa 20h00 bwo Brazil irahura n’u Bubiligi mu mukino ukomeye cyane.

Mu rwego rwo gufasha abakunzi ba ruhago n’abashaka kureba iyi mikino bari mu Mujyi wa Kigali no mu nkengero zayo, The Mirror Hotel yashyizeho uburyo bazayikurikirana bafata ibinyobwa n’amafunguro ku biciro bibereye bose, bakagira n’amahirwe yo gutombola ibihembo bitandukanye, nk’uko Nkurikiyinka Bosco ushinzwe kumenyekanisha ibikorwa muri iyi hoteli yabitangarije IGIHE.

Yagize ati “Nk’uko dusanzwe twita kuri serivisi duha abakiliya bacu, ubu twabazaniye uburyo bwihariye bashobora kurebamo imikino y’Igikombe cy’Isi kugeza kirangiye. Ni ahantu heza, hari amateleviziyo menshi kandi manini, bashobora kwicara banifatira icyo kurya no kunywa ku biciro byoroheye buri muntu.”

Yakomeje agira ati “Umwihariko twashyizeho muri iyi mikino ya ¼ ni uko hari tombola zizajya zikorwa muri cya gihe amakipe aba agiye kuruhuka, hakaba hari abazatombola ibyumba byo kuraramo hano muri hoteli, amafunguro, uburenganzira bwo kuza muri sauna, ‘piscine’ na gym ku buntu. Igihembo nyamukuru kikazaba ari itike yo kujya muri Kenya no kugaruka.”

The Mirror Hotel ni imwe muri hoteli zikomeye muri Kigali iri ku rwego rw’inyenyeri enye, iherereye i Remera muri metero 20 uvuye kuri rond-point yo ku Gisimenti ku muhanda ujya i Remera mu Giporoso.

Bamwe bashobora gutsindira uburenganzira bwo koga kuri iyi hoteli ku buntu
Mu byo abakiliya ba The Mirror Hotel bashobora gutombola harimo ibyumba byo kuraramo n'amafunguro
The Mirror Hotel iherereye i Remera muri metero 20 uvuye kuri rond point yo ku Kisimenti ku muhanda ujya i Remera mu Giporoso
Abarebera Igikombe cy'Isi muri The Mirror Hotel bashobora gutombora ibihembo bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza