Zlatan Ibrahimović na David Beckham bahanye intego mbere y’umukino uhuza ibihugu byabo

Yanditswe na Manzi Rema Jules
Kuya 7 Nyakanga 2018 saa 03:32
Yasuwe :
0 0

David Beckham wahoze ari umukinnyi ukomeye mu ikipe y’u Bwongereza na Zlatan Ibrahimović wabaye rutahizamu w’ibihe byose wa Suède, bateze ibyo buri umwe azagurira undi bitewe n’uko umukino uhuza ibi bihugu muri ¼ cy’igikombe urangira.

Zlatan Ibrahimović w’imyaka 36 ukinira ikipe ya LA Galaxy muri Leta Zunze Ubumwe za Amerika, ikipe na David Beckham yakiniye, ni we watangaje bwa mbere abicishije ku rubuga rwe rwa instagram ko igihugu cye nigitsinda u Bwongereza, azagurira Beckham ifunguro aho ariho hose yifuza.

Ibrahimović wanyuze mu makipe atandukanye nka FC Barcelone, Inter Milan na Paris Saint Germain, ahurira na Beckham ko bombi bakiniye Manchester United.

Yagize ati "Yo @davidbeckham, u Bwongereza nibutsinda ndakugurira ifunguro aho ariho hose ushaka ku Isi, ariko Suède nitsinda urangurira icyo nshaka cyose muri IKEA ok?”

IKEA ni iguriro mpuzamahanga ry’ibikoresho byo mu nzu no mu gikoni rifite inkomoko muri Suède, ariko rifite amashami mu bihugu byinshi.

Beckham nawe yahise amusubiza agira ati “ ’@iamzlatanibrahimovic Suède nitsinda njye ubwanjye nzakwijyanira muri IKEA nkugurire ikintu cyose ushaka cyo gushyira mu nzu yawe nshya muri LA, ariko u Bwongereza nibutsinda nshaka ko uzaza kureba umukino buzakira i Wembley wambaye umwenda w’u Bwongereza, dusangire ifi n’ifiriti mu kiruhuko cyo hagati mu mukino.”

Umukino uhuza u Bwongereza na Suède uratangira saa 16h00 kuri uyu wa Gatandatu, ukurikirwe n’uwa Croatia ihura n’u Burusiya, amakipe aratsinda akazahurira muri ½.

Zlatan na Beckham ni abanyabigwi mu makipe y'ibihugu byabo ndetse bose banyuze muri Manchester United

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza