Kwamamaza

Amakipe atandatu y’abagore agiye guhurira mu irushanwa rya Sitting Volleyball

Yanditswe kuya 24-11-2016 saa 15:04' na Manzi Rema Jules


Komite y’Igihugu y’Imikino y’Abafite Ubumuga, NPC Rwanda, yateguye amarushanwa ya Sitting Volleyball ku makipe y’abagore yiswe “CBM Women Sitting Volleyball Tournament” mu rwego rwo kwishimira iterambere uyu mukino wagezeho mu Rwanda ubikesha umuryango Mpuzamahanga wa Gikirisitu uharanira iterambere ry’abafite ubumuga (CBM).

Aya marushanwa azabera mu Karere ka Musanze guhera kuwa Gatanu tariki ya 25 kugeza 26 Ugushyingo 2016, azahurirana no gutangiza icyumweru cyahariwe abafite ubumuga kuwa 3 Ukuboza 2016.

Amakipe azitabira iyi mikino ari mu matsinda abiri, irya mbere ririmo ikipe y’abakobwa y’Akarere ka Gasabo, Gakenke na Bugesera, naho irya kabiri ririmo ikipe y’Akarere ka Ruhango, Gicumbi na Musanze.

Umuyobozi wa NPC Rwanda, Nzeyimana Celestin, atangaza ko muri uyu mwaka wa 2016, umuryango CBM wateye inkunga amakipe y’abakobwa ya Sitting Volleyball mu kuzamura urwego rwabo rw’imikinire.

Ibindi byakozwe binyuze muri CBM harimo guhugura abasifuzi, abatoza, gufasha abakinnyi kubona imyenda yo gukinana, ibikoresho byose bya siporo n’ibindi byakenewe kugira ngo amakipe y’abakobwa ya Sitting Volleyball ashobore gukina.

Uretse gufasha aya makipe, uyu muryango wanateye inkunga Ikipe y’Igihugu ya Sitting Volleyball y’abakobwa mu myiteguro yo kujya mu mikino Paralempike yabereye i Rio de Janeiro muri Brazil muri uyu mwaka wa 2016.

Mu mikino yiswe “CBM Women Sitting Volleyball Tournament” izabera i Musanze, amajonjora azatangira kuwa Gatanu naho imikino isozwe kuwa Gatandatu tariki ya 26 Ugushyingo 2016 aho ikipe ya mbere izegukana igikombe n’amafaranga y’u Rwanda ibihumbi 250.

Iya kabiri izahabwa ibihumbi 200 naho iya gatatu itahane ibihumbi ijana na mirongo itanu.

Nyuma y’uko kuwa Gatandatu muri Musanze hazabera amarushanwa ya Sitting Volleyball, ku Cyumweru tariki ya 27 Ugushyingo 2016 kuri Stade Amahoro i Remera hazabera amarushanwa y’imikino ngororamubiri ku bafite ubumuga yiswe “IPC Athletics Kigali Meeting”.

Kuri uwo munsi hazabaho gusiganwa ku maguru ku bakinnyi bazaserukira uturere dutandukanye, gutera intosho, umuhunda, ingasire n’ibindi.

Umuyobozi wa NPC Rwanda, Nzeyimana Celestin
Iri rushanwa rizitabirwa n'amakipe atandatu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved