Tennis: Ikipe y’u Rwanda igiye kwitabira ‘Davis Cup’ mu Misiri

Yanditswe na Manzi Rema Jules
Kuya 15 Nyakanga 2017 saa 07:48
Yasuwe :
0 0

Ikipe y’igihugu ya Tennis igizwe n’abakinnyi bane igiye kwitabira irushanwa rya ‘Davis Cup’ rizabera mu Misiri na ho nimero ya mbere mu bato, Habiyambere Ernest yitabire imikino ya Commonwealth izabera muri Bahamas.

U Rwanda rwari rumaze imyaka itatu rutitabira ‘Davis Cup’ ihuza amakipe y’ibihugu bitandukanye muri Afurika kubera ibibazo by’amikoro, rugiye gusubirayo mu irushanwa rizaba hagati ya tariki 17-23 Nyakanga i Cairo.

Mu kiganiro IGIHE yagiranye na Havugimana Olivier uzagenda ayoboye bagenzi be yavuze ko ari amahirwe babonye akomeye yo kujya kwigaragaza kandi bafite intego yo guhesha igihugu ishema bitwara neza nubwo imyitozo babonye itari ihagije.

Yagize ati “Navuga ko nta myitozo myinshi twabonye mu gihugu imbere uretse njye wabashije kujya mu marushanwa muri Kenya ndi kumwe na Habiyambere Ernest, mvuyeyo njya muri Congo Kinshassa. Gusa n’abandi ntabwo bari basigaye bicaye baritozaga ku giti cyabo, ndumva twabaha icyizere.”

Mu bandi bakinnyi bazajyana na Havugimana Olivier barimo Niyigena Etienne wigaragaje akagera ku mukino wa nyuma mu irushanwa ryo kwibuka Abatutsi ryabaye mu kwezi gushize, Tuyishime Fabrice na Gatete Hamisi.

Uretse aba, undi Munyarwanda Habiyambere Ernest azahaguruka mu Rwanda ku Cyumweru yerekeza muri Bahamas aho agomba kwitabira amarushanwa y’abato y’ibihugu bihuriye ku muryago w’abakoresha Icyongereza “Commonwealth”.

Abakinnyi bane bagiye guserukira u Rwanda muri Davis Cup mu Misiri

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza