Isiganwa ry’imodoka “Sprint Nduba 2013”

Isiganwa ry’imodoka “Sprint Nduba 2013”


Yanditswe kuya 8-02-2013 - Saa 12:23' na Rene Anthere Rwanyange

Kuri uyu wa Gatandatu tariki ya 9 Gashyantare 2013, Ishyirahamwe nyarwanda ry’umukino w’isiganwa mu modoka "Rwanda Automobile Club" ryateguye isiganwa ry’amamodoka ryiswe Sprint Nduba 2013 rizabera mu karere ka Gasabo, mu murenge wa Nduba.

Nk’uko tubikesha itangazo ryatanzwe na Gakwaya Christian Perezida w’Ishyirahamwe nyarwanda ry’umukino w’isiganwa mu modoka, rizakorerwa ku hantu hafite uburebure bwa Kilometero 164. Imodoka zisiganwa zizanyura Nyacyonga-Nduba-Kajevuba. Rizatangira sa yine za mugitondo risozwe saa kumi n’igice z’igicamunsi.

Abafite sprint muri iyi week-end ni Davite Giancarlo, Olivier Costa, Bukera Valery, Kwizera Claude, Janvier Mutuga, Mohamed, Genese, Gracien Rutabingwa, Serge Rusagara na Nadine Umuhire.

Ni muri urwo rwego basaba abantu bose kuvira mu nzira izo modoka, gukura abana n’amatungo mu muhanda no gukura ibindi binyabiziga byose mu muhamda igihe isiganwa ritangiye.

Bakaba bibutsa abashaka kujya kureba isiganwa ko bagomba kuhagera mbere, kuko imihanda izakoreshwa izaba ifunze isaha imwe mbere y’uko isiganwa rihaca.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO