Kigali : Buri wese asabwa gukora siporo ku nyungu z’ubuzima bwe

Kigali : Buri wese asabwa gukora siporo ku nyungu z’ubuzima bwe


Yanditswe kuya 16-01-2013 - Saa 18:24' na Marie Chantal Nyirabera

Ubuyobozi bw’Umujyi wa Kigali buratangaza ko gukora siporo ari ingirakamaro mu buzima bw’umuntu, bityo abawutuye bose bagomba kumva ko ari inshingano zabo.

Umuyobozi w’Umujyi wa Kigali, Fidel Ndayisaba yadutangarije ko bakangurira abawutuye bose gukora siporo baba abakuru cyangwa abato. Ati ”Umujyi wa Kigali watangije gahunda yo gukangurira abantu bose gukora siporo, siporo kuri bose.”

Akomeza avuga ko kuri ubu imihanda ikorwa ishyirwaho inzira z’abanyamaguru, bifasha abantu gukora siporo batanyuranyurana n’imodoka ku buryo byateza impanuka. Ko hanashyizwe amatara ku mihanda afasha abantu gukora siporo, ku batabonye umwanya wo kuyikora ku manywa, aho nyuma y’akazi no ku mugoroba bashobora kugenda bikorera siporo, batembera bakoresheje amaguru.

Iyi gahunda yashyizwemo ingufu nyuma yo kubona ko mu mijyi hari indwara nyinshi abantu barwara kubera kwirirwa mu kazi, mu ngo n’ahandi badakora siporo.

Ikibazo cyo kutaruhuka no kutaruhura ubwonko ukora sporo bikaba biri mu bitera umunaniro udashira (Stress), indwara z’ukudakora neza k’umubiri no kugira inyanda nyinshi mu mubiri, umubyibuho urenze urugero, kimwe n’izindi ngaruka mbi zo kutitabira gukora Siporo bigira ku buzima bw’umuntu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO