La Tropicale Amissa Bongo 2013 :  Yohann Gène yegukanye icyiciro cya 6

La Tropicale Amissa Bongo 2013 : Yohann Gène yegukanye icyiciro cya 6


Yanditswe kuya 20-01-2013 - Saa 13:43' na Rene Anthere Rwanyange

Mu isiganwa ku magare ryiswe « La Tropicle Amissa Bongo 2013 » ku cyiciro cyaryo cya gatandatu cyabaye ku wa 19 Mutarama, Umufaransa Yohann Gène, ni we wanikiye abandi mu mihanda ya Kango.

Yohann ukinira ikipe Europcar, yashoboye guhigika abasore baryanaga isataburenge ku isaha ya mbere, yegukana umwenda w’umuhondo wari ufitwe na Andrea Palini ukinira ikipe ya Lampre-Merida.

Muri iri siganwa, Abafaransa n’abanyamaroke bakomeje kwitwara neza. Yohann yagize ati “La Tropicale Amissa ni irushanwa rinyura cyane. Hasigaye icyiciro kimwe i Libreville kandi ngomba gukora ibishoboka byose nkagumana umwenda w’umuhondo. »

Yohann Gène yavutse ku wa 25 Kamena 1981, i Point-à-Pitre mu Bufaransa. Uretse iki cyiciro yegukanye n’ibindi yitwaye neza kuko yabonekaga mu myanya ya mbere.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO