Lill Daren wo muri Afurika y’Epfo ni we wegukanye Tour of Rwanda 2012

Lill Daren wo muri Afurika y’Epfo ni we wegukanye Tour of Rwanda 2012


Yanditswe kuya 25-11-2012 - Saa 20:15'

Nyuma yo kwereka igihandure abanyonzi bagenzi be mu cyiciro cya Muhanga - Huye ndetse na Rubavu - Kigali, akanahembwa na COGEBANQUE ku cyiciro cya Kigali - Muhanga ku kuba ari we warushije abandi guterera, Lill Daren ukinira ikipe y’igihugu ya Afurika y’Epfo ni we wegukanye umwanya wa mbere muri Tour of Rwanda.

Lill Daren w’imyaka 30 ukomoka mu mujyi wa Grahamstown muri Afurika y’Epfo yabwiye IGIHE ko yishimiye iyi ntsinzi kandi yakunze cyane Tour of Rwanda.

Yagize ati "Iri rushanwa ryaranshimishije cyane kuko nahuye n’abantu batanzi babaga bari ku mihanda bantera ingabo mu bitugu ngo nongere ingufu. Niba igihugu cyizongera kikemera ko tugaruka ndumva nta kabuza nzagaruka gusiganwa mu Rwanda."

Lill Daren kandi yahembwe nk’Umunyafurika witwaye neza kurusha abandi muri iri rushanwa ndetse n’ikipe ye ya Afurika y’Epfo ihembwa nk’iya mbere ku rutonde rusange nk’irusha andi yose yitabiriye iri siganwa ku magare.

Atsbha Getachew wo muri Ethiopia ni we wegukanye umwanya w amber mu kurusha abandi ahaterera aho yahembwe na COGEBANQUE ndetse aba n’umukinnyi ukiri muto witwaye neza muri iri rushanwa rya Tour of Rwanda 2012.

Umuyobozi wUmuyobozi wa Cogebanque, Alain Lepatre-Lamontagne na Alphonsine Rubangura wo mu nama y'ubuyobozi ya Cogebanque bahemba Atsbha Getachew urusha abandi ahaterera ndetse ari na we witwaye neza mu bakiri bato
Ikipe y'abaterankunga b'imena ba COGEBANQUE
N'ubwo atabaye uwa mbere ku cyiciro cya nyuma, Lill Daren ni we wegukanye Tour of Rwanda 2012
Bruno Langlois ukinira Team Quebeqor Garneau yegukanye icyiciro cya nyuma cya Tour of Rwanda 2012
Adrien Niyonshuti yahembwe nk’uwarushije abandi Banyarwanda muri rusange
Ikipe ya Afurika y'Epfo ni yo yitwaye neza kurusha andi yose yitabiriye Tour of Rwanda 2012

Umunyamakuru wa BBC uzwi cyane mu makuru y’imikino akaba n’inzobere mu gukurikirana amasiganwa y’amagare ku isi hose, Gérard Erince yabwiye IGIHE ko Tour of Rwanda imaze kugera ku ntera ikomeye cyane ku buryo ashishikariza n’ibindi bihugu kujya biryitabira.

Muri rusange iri siganwa ryatangiye abarushanwa ari 62 ariko 56 ni bo bashashije kurisoza kuko hari abagiye bakora impanuka ndetse n’abandi bakavamo ntibakomeze kubera intege nke.

Foto/Elisée Mpirwa

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO