Kwamamaza

Abashinwa basusurukije abitabiriye isozwa rya shampiyona ya Kung Fu (Amafoto)

Yanditswe kuya 28-11-2016 saa 10:46' na Manzi Rema Jules


Nk’uko babikoze umwaka ushize bigashimisha abafana ku buryo budasanzwe, no kuri iki Cyumweru ubwo hasozwaga shampiyona y’umukino wa Kung Fu, Abashinwa bakorera mu Rwanda basusurukije abari kuri stade nto i Remera mu myiyereko ya Tai Chi ubusanzwe abenshi babona muri film.

Iyi mikino ya nyuma yitabiriwe n’abakinnyi 71 bari bitwaye neza mu majonjora yari amaze ukwezi akorerwa mu Turere twa Ngoma, Muhanga no mu Mujyi wa Kigali. Bose bahuriye kuri stade nto I Remera bahatanira imidali mu byiciro bitandukanye.

Abakinnyi baturutse mu Karere ka Ngoma nibo bihariye ibihembo byinshi cyane mu bana naho ikipe ya Tiger Wushu yo mu Mujyi wa Kigali yigaragaza mu myiyereko y’abakuze.

Umuyobozi w’Ishyirahamwe ry’umukino wa Kung Fu mu Rwanda, Mucyo Jackson, yatangaje ko nubwo ari ubwa mbere bari bagerageje gutangirira shampiyona mu turere, byatanze umusaruro cyane kuko byafashije abakinnyi kwigaragaza ku mikino ya nyuma nta munaniro nk’uko byajyaga bigenda.

Ati “Shampiyona y’uyu mwaka yabaye nziza kurusha uko twabitekerezaga. Gutangirira amajonjora mu turere byatumye abahatuye bagira amahirwe yo kwirebera umukino kandi natwe uyu munsi byagabanyije umutwaro kuko haje bake kandi babikoreye.”

“Kandi nta wakwirengagiza umunaniro abakinnyi babaga bafite mu myaka yashize iyo batangiriraga amajonjora hano bakanahakinira imikino ya nyuma, byabavunaga cyane, ariko ubu bakoze neza kuko bari babonye umwanya wo kuruhuka no kwitegura neza.”

Uretse gususurutswa n’ibipfunsi n’imigeri y’abahanganaga, abafana batari bake bari bitabiriye ibi birori banashimishijwe n’Abashinwa bakorera mu Rwanda, bakoraga imyiyereko yo mu bwoko bwa Tai Chi.

Leta y’u Bushinwa ni na yo itera inkunga uyu mukino binyuze muri Ambasade yayo ikorera i Kigali.

Mu cyiciro cy’imirwano ubundi bita “Sanda”, kinashimisha abafana cyane kuko abakinnyi baba babirindurana umusubizo, mu bafite hagati y’ibiro 78 na 82, umudali wegukanwe na Nzabonimpa Elie akurikirwa na Eloi na ho mu bafite 73 kugera kuri 77, umudali watwawe na Tuyizere Amuza akurikirwa na Nshimiyimana Alex.

Mu bafite hagati y’ibiro 68 na 72, umudali wegukanywe na Havugimana Louis, Ndorimana Samson aba uwa kabiri, mu bari hagati y’ibiro 63 na 67 watwawe na Twizeyinama Thierry ahigitse Nsabimana David, mu bafite ibiro 58-62, Habumugisha yawutwaye Dushimimana Etienne mu gihe mu bafite ibiro 53-57 Iyakaremye Eugène yawutwaye Nshimiye.

Abashinwa basusurukije abari bagiye kureba aya marushanwa
Abana mu byiciro bitandukanye bereranye ubuhanga bwabo abahize abandi barabishimirwa
Igitsina gore nacyo cyerekanye ubuhanga budasanzwe muri uyu mukino
Abana bahize abandi bambitswe imidari y'ishimwe
Ikipe yo mu Karere ka Ngoma niyo yahize izindi mu bakiri bato
Tiger Wushu yahize abandi mu cyiciro cy'abakuru
Abakinnyi mu biro bitandukanye nabo bararushanijwe mu cyiciro cy'imirwano (combat)
Mucyo avuga ko irushanwa ry'uyu mwaka ryabaye ryiza bitewe n'impinduka bakoze zifasha abakinnyi
Ababyeyi b'abana bakina umukino wa Kung Fu bari bagiye kubashyigikira

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved