Imikino y’akarere ka 5 izahuzwa no kwibuka Jenoside

Yanditswe na Thierry Kayishema
Kuya 11 Mata 2015 saa 07:35
Yasuwe :
0 0

Mu gihe amashyirahamwe y’imikino mu Rwanda yahawe ibyumweru bibiri byo gutegura imikino yo kwibuka Abatutsi bazize Jenoside mu 1994, Ishyirahamwe rya Karate mu Rwanda ryateguye imikino nk’iyi izajyana n’iy’akarere ka 5 kuva tariki ya 4-7 Kamena 2015.

Mu 2014, iyi mikino yakinwaga yitwa “Never Again Karate tourney” hakabamo imyiyerekano y’abakinnyi n’ubuhamya.

Ibihugu bitanu nibyo bimaze kwemeza ko bizitabira iyi mikino y’akarere ka 5 izabera i Kigali birimo Misiri, Kenya, Uganda, Burundi na Tanzania mu gihe hagitegerejwe Ethiopia, Somalia na Sudani kwemeza niba bizitabira.

Iyi mikino izitabirwa n’abakinnyi bakuru mu bagabo n’abagore barushanwa mu myiyereko (Kata) no kurwana (Kumite).

U Rwanda nirwo ruyoboye akarere ka 5 muri Karate.

Bamwe mu bari abakinnyi bo ku rwego rwo hejuru muri Karate bamenyekanye bishwe muri Jenoside ni Kigenza Emmanuel, Butare Kalisa Jean Marie Vanney, Rurangisa Aimable, Jean Gahamanyi Léonard na Kagabo Clement.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza