U Burusiya: Putin yabonye umukandara wa 8 muri Karate, usanga 9 afite muri Taekwondo

Yanditswe na Herve Ugirumukunda
Kuya 24 Ugushyingo 2014 saa 02:53
Yasuwe :
0 0

Nyuma y’imikandara 9 afite muri Taekwondo, Perezida w’u Burusiya, Vladimir Putin yahawe umukandara wa 8 mu bwoko bwa Karate bwitwa Kyokushin-kan.
Kuwa gatanu w’iki cyumweru gishize ni bwo byatangajwe ku mugaragaro ko Ishyirahamwe ry’imikino ya Kyokushin-kan ku isi (Kyokushin-kan International Honbu) ryamuhaye umukandara wa 8 w’umukara.
Uyu mugabo w’imyaka 62, ni n’umwe mu barimu bakuru (grandmaster) mu mukino wa Taekwondo, nyuma yo kuwubonano umukandara wa 9 mu mwaka w’2013.
Urubuga rwa (...)

Nyuma y’imikandara 9 afite muri Taekwondo, Perezida w’u Burusiya, Vladimir Putin yahawe umukandara wa 8 mu bwoko bwa Karate bwitwa Kyokushin-kan.

Kuwa gatanu w’iki cyumweru gishize ni bwo byatangajwe ku mugaragaro ko Ishyirahamwe ry’imikino ya Kyokushin-kan ku isi (Kyokushin-kan International Honbu) ryamuhaye umukandara wa 8 w’umukara.

Uyu mugabo w’imyaka 62, ni n’umwe mu barimu bakuru (grandmaster) mu mukino wa Taekwondo, nyuma yo kuwubonano umukandara wa 9 mu mwaka w’2013.

Urubuga rwa Perezidansi y’u Burusiya ruvuga ko Putin ari n’umukinnyi mu Gukirana (Judo). Yatangiye kuwukina kuva afite imyaka 11.

Putin avuga ko iyo mikino yose imufasha kwigenzura no kumenya kubaho mu buzima bwose.

Ati: “Gukirana (Judo) byigisha kwigenzura, bigatanga ubushobozi bwo kubaho mu bihe ibyo ari byo byose ugezemo bikigisha kandi kureba intege nke cyangwa imbaraga z’uwo muhanganye, kugirango ubashe guharanira kumunesha.”

Yumva ari ibintu bya ngombwa buri munyapolitiki akwiye kumenya.

Ati: “Nemera ko ubwo ari ubushobozi n’ubumenyi bw’ingenzi umunyapolitiki wese akwiye kuba afite.”

Kyokushin ni umukino w’ingufu uhuza umuntu n’undi, ukaba ubwoko bwa Karate ifite inkomoko mu Buyapani, ni umwe mu mikino yitaweho cyane mu Burusiya, wanatumye Putin aba ikirangirire ku isi muri Siporo.

Mu 2001 ni bwo Putin yabonye umukandara wa gatatu (3) w’umukara muri Kyokushin, abona uwa karindwi (7) mu 2009, none abonye uwa 8 muri uyu mwaka w’2014.

Uretse Imikandara 8 muri kyokushin, 9 muri Taekwondo, Vladimir Putin afite n’umukandara w’umukara muri Karate yo mu bwoko bwa Shotokan.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza