Abakinnyi b’Abanyarwanda bamugaye bavanye imidari itatu muri Tunisia

Abakinnyi b’Abanyarwanda bamugaye bavanye imidari itatu muri Tunisia


Yanditswe kuya 31-03-2012 - Saa 12:41'

Abakinnyi babiri b’Abanyarwanda Muvunyi Hermas na Nsengimana Theoneste baherutse kwitwara neza begukana imidari itatu mu irushanwa mpuzamahanga rya Meeting de Tunis.

Amakuru dukesha Bizimana Dominique NPC Rwanda n’uko abakinnyi babiri bari bahagarariye u Rwanda mu mikino ngororamubiri y’abamugaye yaberaga mu gihugu cya Tunisia bitwaye neza aho Muvunyi Hermas yegukanye imidari ibiri ya Zahabu nyuma yo kuba uwa mbere mu byiciro byo gusiganwa kuri metero 400 na 800, naho Nsengimana Theoneste yegukanye umudari wa bronze muri metero 1500 nyuma yo kuza ku mwanya wa 3.

Bizimana yatangarije IGIHE.com ko bishimiye uburyo abakinnyi babo bitwaye gusa ko byari kuba byiza cyane na Nsengimana Theoneste wabaye uwa 3 iyo akoresha ibihe byiza kurushaho kugira ngo abone minima yo kwitabira imikino izabera i Londre (jeux parolempique 2012).

Bizimana yakomeje adutangariza ko ariya marushanwa azakomeza gufasha Muvunyi Hermas we wamaze kubona itike yo kwitabira imikino Parolympic 2012 izabera i Londre nyuma yo kwegukana umwanya wa mbere mu mikino nyafurika yabereye i Maputo muri Mozambique.

Muvunyi Hermas na Nsengimana Theoneste bagarutse mu Rwanda kuwa gatanu tariki ya 30 Werurwe 2012, twabibutsa ko ikipe y’igihugu y’abamugaye yabonye itike yo kuzitabira imikino izabera i Londre muri uyu mwaka wa 2012.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO