Imyitozo ngororamubiri ni urukingo rw’indwara nyinshi zibasira umubiri

Yanditswe na
Kuya 24 Werurwe 2014 saa 04:18
Yasuwe :
0 0

Gukora imyitozo ngororamubiri ntibisaba kuba umuntu yabisabwe na muganga, ahubwo ni uburyo bwo gufasha umubiri kumera neza. Biwufasha kandi kugumana ubudahangarwa bwo guhangana n’indwara ziwuzahaza harimo n’umunaniro.
Muri iki gihe Abanyarwanda benshi bamaze kumenya akamaro ko gukora imyitozo ngororamubiri, abadashoboye kugenda cyangwa se kwiruka, bagana ibyumba byabugenewe aho buri wese akora umwitozo bijyanye n’uko yiyumva cyangwa se n’amahitamo ye.
Kuri Papyrus, mu kagari ka Kimihurura, (...)

Gukora imyitozo ngororamubiri ntibisaba kuba umuntu yabisabwe na muganga, ahubwo ni uburyo bwo gufasha umubiri kumera neza. Biwufasha kandi kugumana ubudahangarwa bwo guhangana n’indwara ziwuzahaza harimo n’umunaniro.

Muri iki gihe Abanyarwanda benshi bamaze kumenya akamaro ko gukora imyitozo ngororamubiri, abadashoboye kugenda cyangwa se kwiruka, bagana ibyumba byabugenewe aho buri wese akora umwitozo bijyanye n’uko yiyumva cyangwa se n’amahitamo ye.

Kuri Papyrus, mu kagari ka Kimihurura, Umurenge wa Kimihurura, mu karere ka Gasabo hamaze gushyirwa icyumba kirimo ibikoresho binyuranye abantu bifashisha mu kugorora umubiri, ahiswe “WAKA Fitness”. Iyi nzu yitezweho gufasha abantu benshi mu myitozo inyuranye wongeyeho n’icyumba cy’ubushyuhe ndetse n’ubugororamubiri (massage).

Jeannetta Craigwell-Graham, ushinzwe ubucuruzi muri WAKA Fitness, mu kiganiro na IGIHE yadutangarije ko bafite ubunararibonye mu kumenya imyitozo umubiri w’umuntu ukeneye ndetse n’amafunguro ajyanye na wo kandi bafite ibyangombwa byose bikenerwa.

Agira ati “WAKA Fitness dufite umwihariko wo gutanga amasomo nyongerabumenyi ku myitozo ngororamubiri no gukurikirana imikorere y’umubiri wawe buri munsi, twifashishije imashini zabugenewe. Dukoresha kandi ibipimo mpuzamahanga ku buryo utugannye anyurwa na serivisi tumuha. Ikindi ni uko dufite abakozi b’inzobere mu myitozo ngororamubiri, bafite ubunararibonye.”

Jeannetta Craigwell-Graham atangaza ko igituma bizeye ko bazagira ababagana benshi kandi baje guhangana ku isoko n’abandi batanga serivisi nk’izabo ari uko bafite ibikoresho bigezweho, abakozi b’inzobere, gutanga inyigisho ku buzima, no guha umukiriya serivisi yifuza kandi bagatanga na serivisi yihariye bitewe n’uko umuntu ashaka guha icyerekezo umubiri we.

Patrick Gelenge ukomoka muri Kenya, twasanze mu myitozo yadutangarije ko ibyo akora yabyize mu ishuri akaba yaraje gufasha Abanyarwanda kugira ubumenyi mu gukora imyitozo ngororamubiri biashishije ibyuma bigezweho, kandi bizabasha kumenya guha icyerekezo umubiri w’umuntu. Agira ati “Umubiri w’umuntu ukeneye kwitabwaho, ni yo mpamvu igihe udashoboye gukora imyitozo ikomeye ugana inzu nk’izi tukagufasha mu myitozo ijyanye n’umubiri ndetse n’ubuzima bwabwe.”

WAKA fitness, ije gutanga serivisi z’imyitozo ngororamubiri ikorerwa mu byuma byabugenewe ndetse no gukoresha icyumba cy’ubushyuhe, yiyongera ku handi henshi hatandukanye hari mu mujyi wa Kigali n’ahandi hirya no hino. Bafite icyerekezo cyo gukorera henshi hashoboka ku mugabane wa Afurika cyane cyane munsi y’ubutayu bwa Sahara.

Amafoto/Shabani Masengesho

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza