Ngarambe Yolanda yatsindiye kuzitabira Shampiyona y’Isi y’Imikino ngororamubiri

Yanditswe na Eric Tony Ukurikiyimfura
Kuya 16 Kanama 2019 saa 02:40
Yasuwe :
0 0

Umunyarwandakazi ufite ubwenegihugu bwa Suède, Ngarambe Yolanda, yabonye ibihe bimwemerera kuzitabira Shampiyona y’Isi y’Imikino ngororamubiri mu gusiganwa ku maguru, aho yabaye uwa kabiri mu isiganwa rya Wieslaw Maniak Memorial 2019 ryabaye kuri uyu wa Kane muri Pologne.

Ngarambye Yolanda w’imyaka 28 yabigezeho nyuma yo gukoresha iminota ine, amasegonda atanu n’ibice 18 mu gusiganwa metero 1500 mu isiganwa rya Wieslaw Maniak Memorial 2019 ryabereye ahitwa Szczecin aho yaje ari uwa kabiri.

Uwa mbere muri iki cyiciro yabaye Barysevich Daryia wo muri Belarus, wakoresheje iminota ine, amasegonda atanu n’ibice 13 mu gihe uwa gatatu yabaye Granz Caterina wo mu Budage wakoresheje iminota ine, amasegonda atanu n’ibice 60.

Ngarambe Yolanda yaherukaga kwegukana isiganwa ryabereye i Bydgoszcz muri Pologne tariki ya 10 Kanama, aho yabaye uwa mbere mu gusiganwa metero ibihumbi 3000, akoresheje iminota icyenda, amasegonda arindwi n’ibice 67.

Aganira na IGIHE, Ngarambe Yolanda yavuze ko ‘yashimishijwe no kugira ibihe bimwemerera kwitabira shampiyona y’Isi’.

Shampiyona y’Isi (World athletics championship) izabera i Doha muri Qatar kuva tariki 27 Nzeli kugeza tariki ya 6 Ukwakira muri uyu mwaka.

Muhitira Félicien na Mukandanga Clémentine ni abandi banyarwanda bamaze kubona ibihe bibemerera kuzitabira shampiyona y’Isi, ni nyuma y’uko baje mu myanya y’imbere muri Marato ya “Asics Firenze Marathon 2018” yabereye mu Butaliyani tariki 25 Ugushyingo 2018.

Ngarambe Yolanda mu isiganwa rya Wieslaw Maniak Memorial 2019 ryabaye kuri uyu wa Kane
Ngarambe Yolanda (wambaye umutuku) yabaye uwa kabiri arushwa ibice by'amasegonda
Ngarambe Yolanda ni umunyarwanda wa gatatu ugize ibihe bimwemerera gukina Shampiyona y'Isi izabera muri Qatar mu gusiganwa ku maguru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza