Kwamamaza

Nyuma yo kwanikira abasaga 500, Muhitira ukina mu Butaliyani agiye kugaruka mu Rwanda

Yanditswe kuya 22-10-2016 saa 06:54' na Manzi Rema Jules


Muhitira Félicien bita “Magare” ukina imikino yo gusiganwa ku maguru mu gihugu cy’u Butaliyani, nyuma yo kwitwara neza no kwegukana imidali itandukanye mu marushanwa yagiye akina, agiye kugaruka mu Rwanda gutegura shampiyona y’Isi ya “IAAF World Cross Country Championships 2017” izabera i Kampala muri Uganda.

Muhitira yagiye mu Butaliyani muri Nyakanga uyu mwaka nyuma yo kubona Umutaliyani Dionis Enrico wemeye kumubera umujyanama, akanamushakira ikipe yitwa Pontenza Picena Athletes Club azakinira mu gihe cy’umwaka.

Uyu musore w’imyaka 21 umaze kwegukana amasiganwa atandatu mu icyenda yakinnye, yabwiye IGIHE ko mu kwezi gutaha azagaruka i Kigali kugira ngo atangire imyitozo ikarishye mbere yo kwitabira imikino y’Isi ya Cross Country izabera i Kampala muri Werurwe 2017.

Ati “Mu Butaliyani nahungukiye byinshi. Hari abakinnyi bakomeye, amarushanwa menshi ariko n’amafaranga aratubutse ku muntu ufite imbaraga.”

“Mu ikipe yanjye meze neza, amarushanwa menshi nakinnye nitwaye neza. Nsigaje amarushanwa abiri ngomba gukina tariki 30 z’uku Kwezi no kuri 13 Ugushyingo ubundi ngahita ngaruka mu Rwanda kwitegura imikino y’Isi ya Cross Country izabera Kampala.”

Yavuze ko mu muri aya marushanwa azatangira tariki 26 Werurwe umwaka utaha u Rwanda rufite amahirwe yo kuzayitwaramo neza ariko yemeza ko ibihugu bya Kenya na Ethiopia bishobora kutazaborohera. Gusa avuga ko intego ye ari ukuza nibura mu bakinnyi 15 ba mbere ku Isi.

Uyu musore uvuka i Gashora, mu Karere ka Bugesera, yegukanye irushanwa rya “Giro dei Tre Monti a Imola” ryabaye mu mpera z’icyumweru gishize, basiganwa kilometero 15 na metero 300, aba uwa mbere mu bakinnyi 500 ahembwa amayero 1000 angana n’ibihumbi 875 284 by’amanyarwanda.

Mu yandi marushanwa yagiye akina kuva yagera mu Mujyi wa Siena, arimo Giro Podisitico Internazionale di Castelbuono, la gonogro , Sicilia, cefalu , pedronone, yose yabayemo uwa mbere naho muri Amatrice na Napola aba uwa kabiri, mu irushanwa rya Ivrea ho yabaye uwa gatatu.

Muhitira yanikiye abantu 500 mu irushanwa ryabereye mu Butaliyani
Muhitira avuga ko mu marushanwa y'Isi azabera Uganda azitwara neza
Nyuma yo kuba uwa mbere, Muhitira yegukanye amayero 1000
Muhitira agiye kugaruka mu Rwanda kwitegura amarushanwa y'Isi azabera Kampala umwaka utaha

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved