RRA VC yatomboye itsinda ririmo Misiri mu irushanwa rya Volleyball y’abagore

Yanditswe na IGIHE
Kuya 6 Werurwe 2018 saa 11:51
Yasuwe :
0 0

Imikino yo guhatanira igikombe cy’amakipe yabaye aya mbere iwayo muri Volleyball y’abagore ku mugabane wa Afurika iratangira kuri uyu mugoroba i Cairo mu Misiri, u Rwanda rukaba rwaraserukiwe n’ikipe ya RRA VC.

Ku munsi w’ejo ku wa 5 Weurwe 2018, habaye tombola, RRA VC ikaba yisanze mu itsinda A ririmo Ahly yo mu Misiri, Nyong yo muri Cameroun na Nkumba yo muri Uganda.

Umukino ufungura iri rushanwa uraba ku mugoroba w’uyu munsi saa kumi n’ebyiri, uhuze ikipe ya Ahly yo mu Misiri na Nkumba yo muri Uganda.

Dorcas Ndasaba, umutoza mukuru wa RRA VC avuga ko itsinda barimo rikomeye ariko ko bazakora ibyo bashoboye byose kugira ngo bagere muri ¼ , barenge amajonjora. Yasabye abakinnyi gufata umukino wose nk’aho ari wo wa nyuma bakina nk’intare yakomeretse kugira ngo batahane intsinzi.

Ngendahimana Jean Pierre, uyoboye itsinda rya RRA ryagiye mu Misiri mu marushanwa, avuga ko ikipe yiteguye neza kandi imeze neza muri rusange, asaba abakinnyi guharanira intsinzi, kurangwa n’ikinyabupfura ndetse no guharanira guhesha ishema Ikigo cy’Imisoro n’Amahoro, u Rwanda ndetse no kwihesha ishema ubwabo.

Munyawera Aimable, umwe mu bafana wavanye n’ikipe ya RRA VC i Kigali ubu akaba ari hamwe n’ikipe i Cairo, avuga ko RRAVC yatomboye neza kuko yatomboye ikipe yakiriye, ndetse n’andi makipe ariyo Nyong na Nkumba yizera ko RRA izakina umukino utanga amahirwe muri iryo tsinda.
Dore uko amatsinda ateye

Itsinda A

Ahly (Misiri)
RRA VC (Rwanda)
Nkumba (Uganda)
Nyong (Cameroun)

Itsinda B

Cartage (Tunisia)
Harare City (Zimbabwe)
Chief (Algeria)
BDF (Botwana)
Bafia (Cameroun)

Itsinda C

Shams (Egypt)
FAP (Cameroun)
Pipeline (Kenya)
DGSP (Congo )
Vision (Uganda)

Itsinda D

Prison (Kenya)
INJS (Cameroun)
Douanes (Burundi)
Customs (Nigeria)
Asec (Cote d’Ivoire).

Abakinnyi ba RRA VC n'ibirango by'Ikigo cy'Imisoro n'Amahoro
Ikipe ya RRA VC nyuma yo gutombola amakipe izahura na yo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza