Beach Volleyball: Amakipe y’u Rwanda yageze muri ¼ muri All-African Games

Yanditswe na Eric Tony Ukurikiyimfura
Kuya 18 Kanama 2019 saa 08:15
Yasuwe :
0 0

Ikipe y’u Rwanda y’abagabo n’iy’abagore mu mukino wa Beach Volleyball, zombi zabonye itike yo gukina ¼ mu mikino nyafurika ya All-African Games ikomeje kubera muri Maroc.

Amakipe yombi yasoje imikino yo mu matsinda kuri uyu wa Gatandatu.

Ikipe y’abagabo igizwe na Ntagengwa Olivier na Akumuntu Kavalo Patrick yitwaye neza, itsinda imikino ibiri yakinnye kuri uyu wa Gatandatu nyuma y’uko yari yatangiye itsinda iya Algérie ku wa Gatanu.

Mu mukino wabanje, Ntagengwa Olivier na Kavalo Patrick batsinze ikipe ya Bénin amaseti 2-0 (21-12 na 21-15) mu gihe undi mukino wabahuje n’ikipe ya Angola, bakayitsinda amaseti 2-1 (22-20, 18-21 na 16-14).

Muri iki cyiciro, u Rwanda rwatomboye guhura na Ghana muri ¼, imikino izakinwa ku wa Kabiri tariki ya 20 Kanama, aho Afurika y’Epfo izahura na Nigeria, Angola ihure na Maroc mu gihe Gambia izahura na Mozambique.

Mu bagore, naho u Rwanda rwabonye itike yo gukina ¼ nyuma y’uko ikipe igizwe na Mukandayisenga Bénitha na Munezero Valentine itsinze umukino wa kabiri yahuyemo na Zimbabwe ku maseti 2-0 (21-8 na 24-22).

Muri iki Cyiciro, u Rwanda rwari rwatsinze Algérie mbere yo gutakaza umukino rwahuyemo n’Ibirwa bya Maurice ku wa Gatanu, rurahura na Misiri muri ¼ kuri iki Cyumweru.

Indi mikino iteganyijwe muri ¼ irimo uhuza Namibia n’Ibirwa bya Maurice, Kenya na Nigeria mu gihe Mozambique yisobanura na Maroc.

Ubwo iyi mikino Nyafurika ya All-African Games iheruka kuba mu 2015, u Rwanda rwatahanye imidali itanu irimo umwe wa Bronze wabonywe n’ikipe ya Beach Volleyball y’abagore.

Ntagengwa Olivier na Akumuntu Kavalo Patrick basoje imikino yo mu itsinda C badatsinzwe
Ikipe y'u Rwanda y'abagore irahura n'iya Misiri muri ¼

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza