Beach Volleyball: U Rwanda rwatangiye neza mu mikino ya All-Africa Games

Yanditswe na Eric Tony Ukurikiyimfura
Kuya 16 Kanama 2019 saa 03:41
Yasuwe :
0 0

Ikipe y’u Rwanda ya Beach Volleyball y’abagabo igizwe na Ntagengwa Olivier na Akumuntu Kavalo Patrick yatangiye neza mu mikino nyafurika ya All-Africa Gmes iri kubera muri Maroc itsinda iya Algérie amaseti 2-0 mu mukino wa mbere wabaye kuri uyu wa Gatanu.

Uyu mukino wa mbere wo mu itsinda c, ikipe y’u Rwanda yawutsinze ku manota 21-13 na 21-12.

Ntagengwa Olivier na Akumuntu Kavalo Patrick bazasubira mu kibuga kuri uyu wa Gatandatu tariki ya 17 saa 11:00, bahura na Bénin.

Ikipe y’u Rwanda iri mu itsinda C hamwe na Algérie, Angola na Bénin.

Mu bagore, ikipe y’u Rwanda igizwe na Mukandayisenga Bénitha na Munezero Valentine iri mu itsinda C hamwe n’Ibirwa bya Maurice, Algérie na Zimbabwe.

Muri iri rushanwa riri kuba ku nshuro ya 12, u Rwanda rwitabiriye mu mikino itatu ari yo Beach Volleyball, Amagare no Gusiganwa ku maguru.

Hitimana Noël na Yankurije Marthe bamaze iminsi bitoreza mu Mujyi wa Hanchimantai mu Buyapani ni bo baserukiye u Rwanda mu gusiganwa ku maguru.

Mu gusiganwa ku magare, u Rwanda ruzahagararirwa n’abarimo Mugisha Moïse wari umaze iminsi mu masiganwa ya Skol Fly Cycling Club mu Bubiligi, Areruya Joseph na Munyaneza Didier bari mu Buyapani mu myitozo ndetse na Nzafashwanayo Jean Claude uheruka kwegukana Tour de la RDC ari kumwe na na Benediction Excel Energy.

Ntagengwa Olivier na Akumuntu Kavalo Patrick batangiye neza mu mikino nyafurika iri kubera muri Maroc
U Rwanda rwatsinze Algérie amaseti 2-0 mu mukino wabaye kuri uyu wa Gatanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza