FIBA U16: U Rwanda rwatangiye nabi rutsindwa na Algeria

Yanditswe na Manzi Rema Jules
Kuya 13 Nyakanga 2017 saa 02:14
Yasuwe :
0 0

Ingimbi zihagarariye u Rwanda mu mikino ya nyuma y’igikombe cya Afurika muri Basketball (FIBA U16) irimo kubera mu Birwa bya Maurices zatangiye zitsindwa umukino wa mbere na Algeria ku manota 61 kuri 39.

Iyi kipe iri mu itsinda B hamwe na Algeria, Misiri na Madagascar ku mukino wa mbere yatangiye yesurana n’Abarabu bo muri Algeria, kimwe mu bihugu bihagaze neza kuri uyu mugabane muri basketball.

Algeria yatangiye irusha u Rwanda ku buryo bugaragara itsinda amanota 20 rufite abiri gusa. Umutoza Moise Mutokambali yasabye abahungu be kugabanya ubwoba, barakina igice cya mbere cy’umukino kirangira ari amanota 31 ya Algeria kuri 11 y’u Rwanda.

Mu gice cya kabiri, u Rwanda rwakomeje kugerageza kwihagararaho rugira amanota 21 Algeria ifite 35 gusa kubera ubunararibonye bw’Abarabu muri uyu mukino bakoresha amahirwe ku mipira abasore b’u Rwanda batakazaga myinshi bakomeza kugenda imbere umukino urangira ari 61 kuri 39.

Nyuma yo gutsindwa uyu mukino, ingimbi z’u Rwanda ziraruhuka zizongere gukina ejo ku wa Gatanu na Misiri mu gihe ku wa Gatandatu zizahura na Madagascar.

Mu itsinda A ririmo ibihugu nka Mali, Ibirwa bya Maurices, Mozambique na Tunisia umukino wa mbere Mali yihanije Tunisia iyitsinda ku manota 61 kuri 40.

FIBA U16: U Rwanda rwatangiye nabi rutsindwa na Algeria

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza